PDF NIH RALHRANG KAWLRALKAP THLUAK ASI AN TI CANG

Kawlralkap ralhrang hna Pipe line a hrawktu hi kanmah kan si lo tiah PDF nih thanhnak an tuah. Mon State Thanton township ah Gas Pipe line pakhat cu July ni 27 ah hrawh a si. Hi kongah PDF an si tiah thanhnak an rak tuah. Asinain PDF lei nih hithil hi kanmah tuahmi asi lo tiah RFA thawngzamhnak ah thil sining an tuah lonak kong an chim.

Thaton township Win Sein le Sakhangyi khua karlak ah a ummi gas pipe line an phummi pakhat cu PDF hna nih bomb hmangin an hrawh tiah thawngzamhnak kip nih an rak langhter. Hi konghe pehtlaiin Thaton Township PDF chungtel pakhat nih a chimmi cu ralhrang hna nih an tuahmi kha PDF an puhmi a si ko. Vawleipi hmuh ah an hmai an i phiahnak dingah PDF an puh tawn ko hna tiah a chim.

Mah Gas pipe line hi ramchung mi nih an hman lio mi a si i, Social media ahcun Thailand ram he aa pehmi Gas Supply nak a si tiah an ti. Asinain khuami hna nih cun a hman lomi a si. Mah Gas pipe line bomb hmangin an hrawhmi kongah PDF lei nih cun ralhrang kawlralkap thiltuah asi tiah an tinain zeibantuk pawl nih dah an tuah timi tu cu fehternak an tuah kho lo.

May be an image of outdoors

Thawngpang dang relchih:Ralhrang kawlralkap chungkhar hna sin in thawngpang a chuak. Ralhrang kawlralkap minung pahra hna cu Pakistan ah raltuknak vanlong mongh an cawng tiah thanhnak an tuah. Raltuknak vanlong mongh a cawngmi ralhrang kawlralkap nih an thlahmi minung pahra hna cu thlaruk chung Pakistan ah vanlong mongh an cawng cuahmah tiah an langhter rih.

Hi konghi anmah ralhrang kawlralkap hna chungkhar sin in theih mi asi. Taungu based airforce deputy colone Aung Min Oo hruainak tangah Air Force ralkap minung pahra hna cu JP 17 raltuknak vanlong mongh an cawng i, June ni 21 in January ni 22 tiang Pakistan ah training an ngei lai, a tuhi training an tuah cuahmah lio a si cang tiah theih asi.

Hi konghe pehtlaiin a liamcia kum 2016 ah ralhrang kawlralkap hna nih China-Paskistan serchuahmi JF-17 Thunder FC-1 pakhat lawng hmanh ah US dollar in 16 million man cu 16 cawk dingin hnatlaknak an tuah cang tiah mizzima thawng zamh nak nih a langhter. Naite zongah raltuknak vanlong cu ralhrang kawlralkap sin ah Russia nih a kuat cang tiah theih a si.

Be the first to comment

Leave a Reply

Your email address will not be published.


*