Palik Le Ralkap Nih Bible Sianginn Siahngakchia Tiang An Luh Hnawh Cang Hna.

Zantim khuamang ah Bible sianginn siangngakchia pawl zong Ralkap nih an luh hnawh ve cang hna. Nihin March 14,2021 zinglei suimilam 2:00 hrawng ah khan Kachin ram khuahlipi Myitkyina Bible sianginn pakhat KTCS ah Ralkap le Palik pawl an phan than. An thilri pakhat hnu pakhat in an check dih.

Anmah nih cun Ehh-sa-zin kan check lai tiah an ti nain sianginn chung an luh hnu ah siangngakchia min cazin an zohfel dih. An thil vialte le an Bag hme tete tiang in an check piak dih hna. Caan sau ngai an um hnu ah an kir than. Siangngakchia min list le zeimaw cazin pawl zong an I kalpi ti si.

RELCHAP : Yangon-Mandalay Highway Lampi Ah Motor Accident In Minung 3 An Thi :2021 March 14 zaantim 12:40am hrawngah Yangon-Mandalay Highway Lampi Mengtung 170/7 ah Motor Accident a chuak timi thawng an theih caah Thargara Highway Lampi Meithat riantuantu le mibawmchantu dang hna nih an kal hnawh hna i, an bawmhchanh hna tiah theih a si.

Accident a tong mi Motor hi pa 18 le nu 3 nih an i cit mi Motor a si. Motor ai cit mi dihlak ah Minung 21 an si. Pa 10 le nu 1 hi hliamhma an tuar nain, thinphang dirhmun an si lo. Pa 3 belte cu Accident an tonnak hmun ah an nunnak a liam i, Sua Siizung ah an kalpi hna. minung 21 chungah Pa 5 le nu 2 cu hliamhma zeihmanh an pu lo tiah theih a si.

Be the first to comment

Leave a Reply

Your email address will not be published.


*