NLD RUANGAH PU NGUN SAN AUNG NIH ARIAN A COHLANNAK ASI. ACHIMMI

Ralkap caah ka tuan lai lo, Hakha ca le miphun caah riantuan ka duh i ka cohlan ko: Pu Ngun San Aung. Ralkap nih nawlngeihnak a lak hnu ah Pu Ngun San Aung cu Chin State Administration Council Member (Chin Ramkulh Ukhruainak Council Member) ah rian an pek i ralkap ca ah tuan kaa tim lo, Hakha le miphun ca ah tuan kaa tim i ka cohlan ko, tiah Pu Ngun Sang Aung nih February 12 ah a chim.

State Administration Council Member timi cu Democracy phungning ahcun State Minister (Pyine Vuanci) tinak a si i Pu Ngun Sang Aung le Tedim in Pu Go Suan Khai cu rian an pek hna nain Pu Go Suan Khai belte nih a cohlang lo, tiah kan theih. “Social Media ah ‘Shame on you’ (Ka ning na zak) tibantuk in mi tampi nih an ka ti ko. An mawh hrimhrim lo. Ka theihthiam tuk ko. Asinain, khatlei ah kei ka ruah mi cu, atu ka rian hi ka cohlan lo ahcun miphun dangpa kha rian an pek lai i kanmah miphun zawn a kan ruat ti lai lo.

Kei cu, ka thiam tawk in Hakha ca le miphun ca hi kaa hmaithlak zungzal mi a si ko. Ka u nih, na rian kan kaiter lai. Cunglei ah rak ra an ka ti zong ah Hakha ca ah riantuan ka duh peng caah ka um lan ko,” tiah Pu Ngun Sang Aung nih The Hakha Times ah a chim. Hi kongah Pu Ngun Sang Aung nih a peh rih mi cu, “NLD Cozah chan ah an riantuan mi ka lungfahnak a um caah Hakha caah tampi rian ka tuan a hau ka ti caah ka cohlan.

Tahchunhnak ah acre 600 ti mi Sangthar samh mi zong khi felfai tein tlamtlin ka duh. Cun, dinti kong hi a chung ah thuk deuh in luh i tha tein hman khawh a si nakhnga papek ka duh ngaingai fawn. Cucaah, ralkap ca ah ka tuan lai lo, Hakha khua ca, miphun le ram ca hi a si ko. Keimah rian hmun ah miphun dangpa a rak luh ahcun zawn a kan ruat bal lai lo,” tiah a chimchap. Ralkap Cozah thar cu February 15 khin cun riantuan hram an thok cang lai.

Pu Ngun Sang Aung hi USDP Cozah chan (2010-2015) ah Sakremhnak Minister a rak tuan mi a si. Atu hi Democracy phung kha ralkap nih a chuh cang ca ah State Minister ti si loin State Administration Council Member tiin an thlen i February 15 in rian a thok cang lai. Tedim ah siseh, Hakha zong ah Penguk-bawi a rak tuan bal mi Pu Go Suan Khai belte, rian an pek mi cu a ngandamlonak langhter in cohlanlonak ca February 9 ah khan a tial cang, tiah kan theih. Credit: The Hakha Times.

Thawngttha: Tulio Kawlram dirhmun, Kawlralkap nih nawlngeihnak an lak hnu ah Chinmi zong thinphan dailo in kan um cio hna. Asinain ramri ah a ummi kan unau mizoram chungin lamnai bik asimi Champhai Mino hna nih Laimi or Chinmi caah kutka kaupi an i onnak an langhter cang. Kawlralkap nih nawlngeihnak an lakmi hi ramchung lawng siloin vawlei pi nih an huat taktak mi le an duh lo taktak mi asi. Kawlralkap nih uknak an lak hnu ah kan unau a simi Mizo pawl zong nih alamkip in dirkamh aa kan timh cang.

Kan hnu deuh Kawlralkap nih uknak an lak hnu ah mizoram ah a ummi MZP timi nih kawlralkap nih uknak an lakmi duhlonak langhternak zong an tuah cang. Culawng siloin tutan ah Champhai mizo buu hna nih Laimi or Chinmi aa kan dirkamhnak an langhtermi cu lung ahmui tuk hringhran.Tulio Chinmi or Laimi nih kan tonmi konghe pehtlaiin kan Unau Mizo, Champhai Mino Buu hna nih cathanh an chuahmi cu atanglei bangin asi.

To, Kan Unau le kan thisen, Kawlram ah a ummi vialte hna, Ahmasa bik ah Champhai Mino Buu ( Champhai Thalai Pawl) Champhai Mizoram min in nan kut kan tleih hna. Tulio Kawlram ah ralkap cawlcanghnak vialte kan theih i, Kan Chin (Mizo) unau hna zong harsatnak fakpi in nan tuar tiah kan theih i, apoi taktak tiah kan ti. Ramdang ah um hmanh usihlaw nan tuarnak nih hin kan thinlung le kan ruahnak fak piin hmunhma alak peng i, zeibantuk hmanh chuak sehlaw thinphang in um hlah ulaw, nan unau Mizoram ah kan um timi hi theipeng ulaw,

Champhai Thalai Pawl ( Champhai Mino Buu) nih cun nan caah tuah khawhmi kan ngeih asi bak ahcun nanmah bawmhchanh dingah kan huam peng timi hi rak kan theihpiak uh. Nan unau tiah an langhter. An mah ttialning tein kan vun langhter tthan. To, Kan Unau le Kan thisen zawmpui Myanmar rama aum zawng zawngte. A hmasain Champhai Thalai Pawl, Champhai Mizoram hmingin kut suih le chibai kan buk mawlh mawlh a che u,

Tunai Myanmar ram a Siapai chetdan te kan lo hriata, kan Mizo (Chin) unaute pawhin harsatna nasa tak in tuar tih kanlo hriat hian pawi kan ti tak zet zet a.Ram hranah aum mah ila in tawrhna hian kan rilru leh ngaihtuahna nasa takin aluah reng a, Engpawhlo thlengse lo thlaphang lo ula, in unaute Mizoram kan awm tih hi rawn hre reng ula, Champhai Thalai Pawl chuan in tan tih theih kan nei a nih phawt chuan nangmahni tanpui tur in kan in huam a ni tih minlo hriatsak dawn nia, In unaute. President Lalnungsanga Fanai, Lalrinmawia Hnamte, Secretary.

Be the first to comment

Leave a Reply

Your email address will not be published.


*