NGEIHCHIATNAK THAWNG, A CHUNGKHAR VIALTE ATHAH DIH HNA

Kan vawlei thilsining cu ruah lengmang tikah thawngpang ttha theih awk aum tilo. Kan Bawipa Jesuh Khrih chuahcampha December ni 25 ah akhan Philippine ah hringtu pakhat nih a fale minung pahnih hna cu an nunnak alak hna tiah theih asi. Afale athah hna hlan ah hin a nupi a thah hmasa tiah an langhter chih. Hi konghe pehtlaiin atanglei bangin thanhnak an tuah.

Philippine ah pa pakhat nih Christmas nisung ah a fale pahnih hna cu athah hna. Afale athah hna hlan ah hin a nupi zong athah ti asi. Hringtu pa bik Aiko Siancunco timi kum 29 asimi nih a fanu kum thum asimi Akira le a fapa kum khat asimi Kion timi hna cu a nupi a thah hnu, an umnak inn ah a thah hna tiah an langhter. Athah ning hna hi an hngawng in areh hna ti asi.

Hi konghe pehtlaiin Police lutlai Col. Celso Rodriguez nih a chimmi cu mithat tu Aiko Asiancunco hi chungkhar thahnak kongah case tuah piak asi. Aiko Asiancunco nih hin anupi Karina athah hnu ah afale pahnih hna cu a thah hna tiah thawng zamhnak ah a chim. Athah hnu ah hin amah le amah zong thah aa tim tiah alanghter chih.

Nawlngeitu police nih an chim tthan mi cu mithattu hringtu an pa nih a nupi a thahning cang hi dottlet nak kan tuah cuahmah lio asi i, a nupi chungkhar hna nih an chimning ahcun mah tein ai that mi cu asi lai lo tiah an ti. Cutik ah an umnak inn siseh a harh haimi vialte zong dottletnak an tuah cuahmah lio pi asi.

Mithattu nupi hi kum 28 minung asi i, call centre ah rian attuan lio mi asi. Nilini ah khan amah tein ai awk mi asi tiah an chim. a sinain chungkhar hna nih cun an zum kho lo i, amah tein ai that mi cu asi lai lo tiah an ti ve. Hi thahnak chungkhar konghe pehtlaiin nawlngeitu police nih an chimning ahcun zawtnak ruangah lockdown asi i, rian an ttuan kho tilo. Cucaah chungkhar ah hin buainak achuak tawn tiah an chim.

Be the first to comment

Leave a Reply

Your email address will not be published.


*