NGEIH A CHIATUK EE, A FA LE NIH A NUNG BUIN AN PHUM

Cutluk hna sual khawh ning cu khuaruahhar lei an si ko. An pu bak a si komi mah bantuk in an tuahmi hi cu apoi tuk ti lengin chim ding dang a um ti lo. Zeitluk in dah hringtu an pu hi a tuar lai timi ruah ko ah celh dingmi thil a si lo. Minung ngai hi aw, hi bantuk ruahnak a ngeimi hna rak um ko hi cu minung lak ah saram, Saram lak ah minung timi khi a si ko.

Tutan ah hibantuk thil a cannak hmun hi West Khasi Hills ah a si. Tutan thil cang konghe pehtlaiin thawngzamhnak nih alanghter mi cu, West Khasi Hills ah khua a sami Kum 80 a si cang mi Tarpa pakhat Morris Marngar timi cu a chungchuak a tufa hna nih a nung buin vawlei ah mi thi bantuk in an phum tiah thawng zamh nak nih an langhter.

Kum 80 a si cangmi Tarpa a phumtu a tufa le hna cu kum 40 a si cang mi Densil Marngar timi le kum 30 a si cang mi Diberwel Margnar cun kum 27 a si mi Jales Margar hna hi an si tiah an langhter. Atufa minung pathum hna nih hringtu bik an pu kum 80 a si cang mi cu a liamcia kan hnuzarh tuthla ni 7 ah khan Nongdisong timi kha Pordidoh timi an kalpi.

Cu hnu ah an pu cu a nung buin an phum tiah an langhter. Hi konghe pehtlaiin nawlngei tu hna nih unau pathum tarpa a tu le hna cu an tleih cang hna. A tufa le hna nih an chimmi cu kan pu hi chungkhar hna caah mi hnoksak ngai asi. Kan chungkhar hi dawih-eih camh hmangin ning cang loin aa kan tuah i, buainak a chuahter lengmang tiah an chim.

Culawng siloin nawlngeitu hna nih an thilsual atuahtu or an pu a nung buin a phumtu an tleih hna pin ah hi konghe pehtlaiin pehtlaiihnak angei mi sualnak atuahmi chungah aitel mi a dang minung hleiriat zong police nih an tleih cang hna tiah an chim. Tutan ah an phummi tarpa hi atlaunak konghe pehtlaiin a farnu nih aliamcia tuthla ni 10 ah khan report a rak tuah cang mi asi tiah an chim.

Be the first to comment

Leave a Reply

Your email address will not be published.


*