NGAKTTAH KAN FANU TE KONGAH CHUNGKHAT LUNGRE ATHEI KO, KUT SAMH CIO HNA USIH

Khuaza ramkip a ummi Chinmi vialte hna ngakttah chungkhar hna an tonmi harsatnak hi thei cio hna uhsihlaw kut samh cio hna usih. Atuhi chungkhar ngeihmi zeihmanh an neih lo caah social media Group ah an sining an langhter cang. Lungrethei ngaingai an si pin ah zaangfaktuk zong an si. Tutan ah thil a cangmi konghe pehtlaiin a sining cu atanglei bang in hin a si.

Mizoram Lunglei District, Haulawng khua ah a ummi Pi Lal Hma Chuan fanu Mal Sawm Tluangi cu zawtnak nih aphak i, a tuhi chungkhar lungrethei ngaingai in an um. Adam lomi kan fanu Mal Sawm Tluang hi kum nga te lawng asi rih. Adam lonak hi a thluak ah raifanh a kai cang tiah an chim. Cun hringtu a nu zong hi nizan in a thei ti lo tiah an chim chih.

Culawng siloin a mah hi Septicemia timi zong angei mi asi. Sizung ngan deuh ah kalpi uh tiah an ti hna i, an ngeihmi zeihmanh a um lo tikah chungkhar hna cu lungrethei vansang in an um lio asi. Tutan ah adamlo mi hi ngakttah te asi i, hringtu a pa nih mual aliamtak cang mi a si. Hringtu a nu nih hin tisik anhnah zuar in paw aa cawmmi an si tiah an chim chih.

Sizung kalnak zong an ngei lo i, atu hi inn ah an zoh cuahmah ko tiah hi konghe pehtlaiin neihniam pakhat nih a chim. Hi konghe pehtlaiin minung pakhat nih Group ah a vun langhtermi cu Kan naute hi a thluak ah raifanh alut cang i, Septicemia zong angei. Nizan in khan hringtu a nu zong a thei ti lo i, kan lungre athei ko. Sizung ttha ah kalpi ding asi, rak kan bawm hram ulaw zaangfahnak tein tiah a chim.

Acunglei langhter cang bangin hi naute hi bawmhchanh hau in a um cuahmah lio asi. Bawmh chanh a duhmi hna nih mah phone number kan vun langhter mi ah hin pehtlaihnak tuah khawh asi. Phone Number cu 8415892037 ah chawnh khawh asi. Hi phone number hi chungkhar hna inn pawngte asi. Aruang cu chungkhar nubik hi phone zong angei lo tiah an chim.

Bawmhchanh ahaumi damlo micaw a min cun acunglei langhter cang bangin Mal Sawm Tluang asi i, kum nga te lawng asi rih. Hringtu a nu min cu Pi Lal Hma Ngaih asi. An umnak hi Mizoram, Lunglei district Haulawng khua asi. Chirchan. Boboihi Chinzah.

Be the first to comment

Leave a Reply

Your email address will not be published.


*