NGAIHCHIATNAK THAWNG: SALAI VAN LIAN BAWI A NUNNAK LIAM

Yangon ah Salai Van Lian Bawi a Nunnak a Liam. Yangon ramtthen, North Dagon ah a ummi Salai Van Lian Bawi cu July 18 zaan sml. 11:30 hrawng ah a nunnak a liam. Salai Van Lian Bawi hi Pu Lal Maung Cung nau a si. Hakha khua i Immanuel computer dawr a tuahtu a si i, Immanuel Baptist Church (IBC) zong ah caan saupi mino President rian a rak ttuanmi a si. Credit:The Chin Journal

May be an image of 1 person, standing and waterfall

Abiapi Ngaimi Thawngpang dang:Tuluk ram ah pasal a ngei mi Lai nu pehtlaih khawh a si ti lo ca ah chungkhar lungre a thei. Kalaymyo, Tahan in Tuluk ram ah a kal hnu ah, Tuluk ram Yunnan Porvince ah pasal a va ngei mi nu Sung Tin Par cu pasal a ngeih hnu in pehtlaih khawh a si ti lo ca ah chungkhar lungre thei in an um. Ka nau hi Tuluk ram ah nulepa lungtlinnak tein pasal a ngei mi a si ko nain puai an tuahnak ah cun kan i tel kho lo.

A thawng kan theih ti lonak hi 2020 June thla in a si cang. Amah zong kan pehtlai kho ti lo i, a pasal zong kan pehtlai kho ti lo,” tiah a unu a si mi Nu Van Iang Zi nih The Hakha Post ah a chim. Nu Sung Tin Par cu kum 19 a si i Kalaymyo, Tahan um Zaangtlang khuami Pu Thang Kuk le Pi Sui Meng hna i an fanu a si. Tahan a chuah taaknak hi 2019 in a si tiah a chungkhar sin in kan theih.

Kan si khawh tawk kan hlat lengmang nain a kong kan thei kho ti lo. Kan sin zong ah a rak tlung ti fawn lo. Kan i ruahchan mi cu, pakhatnak ah Pathian a si i pahnihnak ah Tuluk ram um a hawile Laimi nih an theih ve i an kan pehtlaih nakhnga hi a si ko,” ti zong Nu Van Iang Zi nih The Hakha Post ah a chim. Nu Sung Tin Par a thawngpang le a umnak a thei mi nih, phone number +917085074876;

Whatsapp +919863352974; Sarah Vaniangzi Facebook Account https://www.facebook.com/par.pari.733 ah siseh, The Hakha Post Facebook Page chat box le hakhapost@gmail.com pakhatkhat poh ah pehtlaih le thawng thanh ding in chungkhar nih bawmh halnak an tuah. Hmanthlak: Nu Sung Tin Par le a pasal hmanthlak an si. The Hakha Times

Be the first to comment

Leave a Reply

Your email address will not be published.


*