NAWLNGAIHNAK RALKAP NIH AN LAKMI HI THINHUN DING ASILO

Dr. Aye Muang nih ralhrang kawlralkap hna nih nawlngaihnak an lakmi hi lungfah le thinhar loin cawnnak pakhat asi tiah a chim. Rakhine party le Rakhine mipi si hna seh, NLD zong lungfah thinhun loin ralhrang kawlralkap hna nih nawlngaihnak an lak mi hi cawnnak pakhat ah kan ruah tiah Dr, Aye Muang nih mipi theih ding ah a chim.

Rakhine Party ah hin ralhrang kawlralkap hna nih rampi nawlngaihnak an lakmi cungah ka cohlang lo timi hmuh dingmi le theih ding a um lo. Kan tlin le tlinlo, kan liang cung ah phurhmi lungpi bantuk ah an ruah hna tiah Rakhine hruaitu le MP tthing Dr Aye Muang nih a chim chap tthan. Rakhine hi tutan kongah cun a dai taktak mi an si hna.

Ramchung hmunkip ti awk ah ralhrang kawlralkap hna nih nawlngaihnak an lakmi duhlonak biatak tein an langhter cio hna. Culawng siloin ralhrang kawlralkap he kahdohnak tiangin hmunkip ti awk ah aa dohmi an um rih. Asinain Rakhine ahcun ralhrang kawlralkap le Rakhine ramkheel party hna cu ram tthancho nak dingah rian an ttuantti tiah Dr. Aye Muang nih a chim rih.

No description available.

Thawngpang dang: U Kyaw Moe Tun Thah Timhnak Kongah Ralhrang Lei Nih Lehnak An Tuah: UN ah Myanmar (NUG) palai a simi U Kyaw Moe Tun thah timhnak kongah ralhrangbu ramleng vuanci zung nih August 9, zaan 8:00 pm ah MRTV in lehnak an tuah. Lehnak an tuahmi cu Hi kong hi US ramchung thil a si cash an ram phunglam (upadi) ningin biakhiah dantatnak an tuah ding a si ko.

Myanmar he zeihmanh pehtlaihnak a ngei lo ti hi a si. Hihi U Kyaw Moe Tun thah timhnak kongah ralhrang lei nih lehnak an tuah a voikhatnak a si. Mi tampi nih cun hi kongah a thli in ralhrang an i tel/rawlh hrimhrim lai tiah an zumh. Curuangah atu abantuk kanmah he pehtlainak a ngei lo tiah an thanhnak hi a si.Cu lawng si loin U Kyaw Moe Tun cu UN ah Myanmar palai sinak in phuah a si cang nak le rampi zuarthlai sualpuhnak in tazacuai a sinak zong an thanh chih fawn.

U Kyaw Moe Tun thah timhnak hi vawleicung hmunkip ah a ummi Myanmar ralhrangbu a dohtu hna thihphaihnak le hrocernak pakhat a si i US Cozah cu U Kyaw Moe Tun lei ah kan dir ko tiah UN ah US palai a simi Linda Thomas-Greenfield nih a thanh cang. U Kyaw Moe Tun thah a timtu Myanmar mi pahnih Phyo Hein Htut le Ye Hein Zaw cu tlaih an si cang. Zeitikah dah an bia ceih a si lai ti cu cozah nawlngei hna nih thanhnak an ngei rih lo. Credit: TCP

Be the first to comment

Leave a Reply

Your email address will not be published.


*