NAN LUNG RAWK CIO MAW? CUNGLEI NIH AN KHAP HNA, NLD MUISAM A DE LO

Cunglei nih an kham tthan hna.Thantlang Hakha NLD cu lohtlau bak an si ko cang. Anmah nih an duhmi asi zongah zeihmanh an mah nih tuahnak nawl an ngei ti lo. Cunglei nih aa kan kham tiah an ti tthan cang. Laimi vialte i fian caan a cu cang lo maw? Thantlang Hakha NLD pawl kan lung afim hrimhrim a hau cang. Tutan thil sining zoh tikah a fiang taktak ko cang hih.

Thantlang Hakha NLD nih hin tutan ramkheel biaraldohnak ah hin an i tel hrimhrim dingmi asi. Zeicaah tiah tutan ramkheel biaraldohnak hi Kawlram pi caah asi lo, Laitlang Thantlang Hakha chung caah asi. Thantlang Hakha NLD hna nih hin ram ca, Thantlang Hakha caah zeidah chunmang an manh timi hi an chim ve dingmi asi.

Ataktak ahcun An saduhthah vialte siseh, an i timhtuahning vialte zong an chim ve hrimhrim dingmi asi. Zeicaah tiah mipi nih an i timhtuah mi kan theih lo cun zeitindah vote zong cu kan pek khawh hna lai i, cunglei nih ticun khacun rak ti uh an ti mi lawng maw an chim in an tuah lai. Anmah pumpak nih Thantlang Hakha caah zeihmanh an duhmi chimnak nawl zong an onh hna lomi hi cu apoi bak.

Tutan ah Kan theih cio bangin The Hakha Times nih Thantlang Hakha candidate pawl hna cu ramkheel biaraldohnak tuah dingin timhlamhnak an ngei. Asinain Thantlang Hakha in NLD candidate pawl an muisam pakhat hmuh awk an um lo. Cutikah mipi pawl zong khuaruahhar in kan um dih hna. Thantlang Hakha in tutan ah NLD pawl an i langh lonak aruang cu ngeihchia bak asi.

Sihmanhsehlaw Cunglei nih Thantlang Hakha NLD pawl ramkheel biaraldohnak ah rak i tel hlah uh tiah an khap diam hna. Cunglei nawl lawngte an ngaih ko tinak asi. Thantlang Hakha caah an saduhthah le an i timhtuahning an chunmang vialte zong cunglei nih chimnak nawl an pe hna lo. Apoi taktak mi asi. Atulio hi an chunmang vialte an chim caan cu asi cang nain.

Thil atheimi le angaimi hna nih Zeitindah mipi nih kan ruahcio, cunglei nih rak tuah hlah uh hibantuk ah rak i tel hlah uh aa kan ti, timi hi zeitindah nan ruahning cio asi. Thantlang Hakha caah an chunmang chimnak nawl hmanh an pek hna lomi hi zeiruang bik ah dah asi hnga? Mipi kan i fiannak dingah NLD timi min kan hman tik Thantlang Hakha NLD lawng asi .

Be the first to comment

Leave a Reply

Your email address will not be published.


*