MINUNG TAMTUK CU KA BLOCK HNA LO, KA BLOCK MI NUNG PAWL KHI ZOH HNA ULAW

Salai Lung Thli Tum nih facebook a block lengmang mi konghe pehtlaiin tutan campaign atuahnak ah fiang tein a chim cang. Salai Lung Thli Tum nih atimi cu, Facebook Block kong hi an ka chimh lengmang. Keimah a ka raltu hna nih biachakha tuk in an ka ti tawn. Asinain kai fahsak lo. I fahsak ning law kum nga chung asi cang i, zan ka it kho lai lo i, atu cu athih hmanh ka thi cang lai tiah a chim.

Cun apeh rih mi cu biachakha tuk in an ka ti ruangah keimah aka dirpi or aka ttanh mi hna kha zan hngilh kho loin an um. An mah le an mah hechat tiah an i phomh lengmang hna. Biachia kha tuk hramhram rumro in aka timi hna kha ka zoh hna i, ka hrial deuh hna. Ning canglo tuk in aka timi pawl kha ka block mi hna cu an si. Ka block mi hna hi minung tamtuk cu an si lai lo.

Cun ka block mi hna khi nan zoh hna asi ahcun a pialsual deuh mi pawl khi an si ve lai. Doh thlorh in mi a dohmi an si tikah,,, Facebook nih apiang sual deuh mi block khawhnak ding ah nawl aa kan pek ve cu mu. Thonginn le Palek an umnak zong cu a chuak sual deuh mi tleih ding le chiahnak ding Thonginn cu an ser ve cu awh. Aduh paoh in a tlong leng mi siseh,

Aduh ning paoh in, mi a tuahto mi hna cu kan hrial hna lo ahcun zeitindah asi khawh lai. Thonginn te hna zeiruangah an ser i, zeiruangah dah Palek pawl hna an um. Mah khakha tuak ngaingai a haumi asi. Facebook nih mah tein i vennak ding caah block tuahnak an ser. Ning cangloin a holh mi le hrawkhrol hna in midang atuah to mi pawl tthen khat kha ka block mi hna an si.

Cun ka block mi hna hi minung tamtuk cu an si lai lo. Ka block mi hna hi a zualhma tuk cangmi sichunh khawh zong asi ti lomi khi ka block mi hna cu an si. Atu zong ah khin zoh ulaw biachiakha taktak in a ka timi tampi an um ko lai. Nain ka block ti hna lo, a lungfimmi kha cu hei chia ko hna uh, a pialsual taktak mi tu khi ka block mi cu an si tiah Salai Lungthlitum nih a chim.

Tutan ah Facebook block konghe pehtlaiin Salai Lung Thli Tum nih a chimmi hi kan ttial palh mi zong a um kho. Asinain video he tlamtling tein kan vun thil chih. Palhsualnak a um asi ahcun mipi careltu zong nih aruahzia nan rak kan thiamnak lai kan in nawl chih hna. Salai Lung Thli Tum nih a chimmi video zoh a duhmi hna nih hika hi voikhat tein hmeh piak law a video in na zoh khawh lai

Be the first to comment

Leave a Reply

Your email address will not be published.


*