MINUNG FA CELH DING SILO, RALKAP NIH AN THAHMI HRINGTU APA BIA CU

Minung fa celh ding asi hrimhrim lo. Ka fapa ruak rak ka pe ulaw vuinak caan rak ka tuahter hram uh tiah mithli tla in nawlnak a tuah hna. Kawlralkap ralhrang hna nih lamzawhnak a tuahtu hna cu meithal in an kah thluahmah hna. Cu chungah nizan ah lamzawhnak tuahnak ah lutlai pakhat a simi Mg Lin Htet cu nizan ah khan Mandalay ah an kah thah i, a ruak zong ralkap lila nih an lak.

No description available.

Hi konghe pehtlaiin chungkhar lei nih an chimmi cu Mg Lin Htet ruak hi Mandalay ralkap sakhan kip ah siseh, culawng siloin sizung kip ah dottletnak an tuah hna. Asinain zeihmanh kan thei lo ee, kan sin ah a um lo tiah chungkhar hna cu lehnak an tuah hna. Nizan ah an thahmi a si ko nain tuchun tiangah a ruak umnak or a sining zeihmanh theih asi rih lo.

No description available.

Hi kongah Mg Lin Htet hringtu apa Pu Zaw Lin nih a chimmi cu ka fapa ruangah ka ngeihchia lo. zungzal in ka fapa thihnak kong hi cu ka tuak peng ko. Sihmanhsehlaw halnak tuah ka duhmi pakhat te lawng ka ngei. Cucu ka fapa ruak hi rak pe ulaw amuisam hmuh hnu ah vuinak nawl hi rak ka pe hram uh tiah hringtu apa nih lungfak ngeihchia in a chim.

No description available.

Ka fapa cu lamzawhnak ah i teltuk hlah tiah ka chimh lengmang ko. Asinain amah nih a timi cu kei cu hnawm chartu men ah kai tel tiah a chim. Sihmanhsehlaw a thihnak kong kan vun theih tik ahcun lamzawhnak ah hruaitu lutlai a rak si diam. A nu le a pa hnangamnak dingah a rak chimmi arak si diam. Ralkap lei nih cun atluk caah a nunnak aliam tiah thanhnak an tuah. Cu thil cu a si kho lo hrimhrim, an kah hnu ah an velh i a nunnak aliamnak hi asi tiah a chimchih.

Tutan ah a nunnak aliammi Mg Lin Htet hi tuni March Ni 12 zanlei suimilam panga tiangah a ruak hi chungkhar hna sin ah a phan rih lo tiah thawngzamhnak nih alanghter. Culawng siloin Mg Lin Htet ruak kong he pehtlaiin Kawlralkap le palek hna zong biahalnak an tuah hna tikah kan thei lo tiah lehnak an tuah hna tiah an langhter chih.

Relchih: CNF/A hi nan kan uhtanh ko, nan mawh lo, amah belte hriamtlai dang he tahchunh awk kan tha deuh lo: Pu Htet Ni: Atulio kan ram buainak kong ah mizapi nih CNF/A hi nan kan uhtanh i nan mawh lo, amah belte Tlangcung hriamtlai dang he tahchunh awk kan tha lo, tiah CNF/A Chimphuannak Nawlngeitu Pu Htet Ni nih a chim. Nationwide Ceasefire Agreement (NCA) ah minthu ciocio Tlangcung hriamtlai hi kan i khat hna lo. Kannih CNF/A cu Bilateral Agreement ah umnak hmunhma (control area) kan ngei.

Phundang cun umnak hmunhma a leng ah meithal, uniform he cawlcangh thiam a si lo tinak a si. KNU khi NCA ah minthu mi an si ve nain rikhiah mi hmunhma (control area) an ngeilo. Mah belte an thazaang a thawn ca ah anmah tein control area an i ser khawh. Thazaang an ngei ca ah an hmunhma chung ah an cawl kho ngai. Thil a um rih mi cu an control area ah hin Kawl ralkap zong hmunhma an laak ve tik ah i kah peng cu a si ve hoi. Atu CDM kong ah an cawlcangnak khi anmah control area chung ah a si.

Kan dirhmun aa khat lo i hihi mizapi nih a ruah zia an thiam deuh rua lo. Chungtuan an si ve lo tik ah an mawh ve bak lo. Kanmah CNF zong kan hmunhma ah Kawl ralkap hi hmun khuar ve hna sehlaw kan buai ve kho ko,” tiah Pu Htet Ni nih The Hakha Times ah a chim. Zeipoh a si ah hriamtlai dang hna cu thazaang an ngei. CNF cu hriam thazaang kan tlacham tuk. Thazaang ngeih i mizapi nih dirkamh tham ahcun kan cawlcang kho tuk ve ko lai, ti zong Pu Htet Ni nih a chim fawn. Credit: CBN

Be the first to comment

Leave a Reply

Your email address will not be published.


*