MAW KANU TIBAK HAU CANG. TRUMP CAAH THINPHANG TUK ACHUAK

US President Donald Trump caah thawngpang chia taktak a chuak cang. Atu bak in arian chuah colh ding tiah an chim cang. Donald Trump nih aforhfial ruangah amah dirkamhtu hna nih Congress innpi an luh hnawh i, buainak a chuak. Hihi Donald Trump ruangah asi tiah Democratic senator Chuck Schumer nih achim pin ah Trump anawlngeihnak atangmi te zong ttuanti lo in atu in phuahcolh ding tiah nawlnak atuah cang.

Donald Trump hi America Constitution 25th Amendment hmangin arian atlai kho lo. Vice president Mike Pence he an hruaimi cozah hi thlak khawh colh asi ko tiah Senate majority leader asi dingmi Chuck Schumer nih a chim chih. Cun ati tthan rih mi cu hi kongkau hi nithumni ah tuah khawh dih asi i, an duh lo asi ahcun congress ah impeachment tuah ding asi lai tiah a peh chih rih.

January ni 20 ah Joe Biden cu biakamnak he President sinak tuah asi cang lai. Hi lio caan ah President Donald Trump cu phunghram kalh in thil atuah ruangah tthumhthlak ding asi i, hi thil asi khawh lo zongah a voihnihnak ding congress ah impeachment tuah dingin US House of representatives leader Nancy Pelosi nih nawlnak atuah hoi. Trump caah cun lungrethei si ko lai tinak si.

Hi konghe pehtlaiin Donald Trump asoisel lengmang tu Illinois state house of representatives chungtel Republican party i, Adam Kinzinger nih ati vemi cu President nih hin arian attuan kho ti lo tiah fiang ngaiin alanghter. Hi konghe pehtlaiin Vice president Mike Pence nih tuchun nitiang zeihmanh achim rih lo. Nai buainak atuahtu hna kha mizeidah an si timi dottletnak tuah dingah FBI nih mipi nawlnak an tuah hna ti asi.

Buainak konghe pehtlaiin Congress innpi le Washington DC i cozah innpi kilvennak ah luttlai asimi Capitol Police lutlai Steven A.Sound nih atimi cu January ni 16 ah rian dinhnak ka chiah lai tiah Media hna sin ah a chim. Nai buainak kha US tuanbia ah a um bal lomi thil asi i, amah hrimhrim zong biatak tein sual an phawl ve.

Be the first to comment

Leave a Reply

Your email address will not be published.


*