MALAYSIA A UMMI I CHIM CIO HNA USIH UN NIH UPA HNA SIN AH AN THANH MI

Ampang ah a ummi caah Covid-19 Sii Chunh Ding Thawngpang. Tu ni (25-Aug-2021) ah UNHCR le community upa meeting an tuah i tuzarh zarhte ni (Saturday on 28-Aug-2021) ah Ampang area ah a ummi hna COVID-19 si chunh ding UNHCR le cozah lei timhtuahnak an ngeihmi UNHCR nih community upa sin thawng a thanh hna.

Cucaah Ampang a ummi nih CRC sinah a rannak in a tang lei a herhmi pawl hi 0182872584 ah Whatsapp in le phone call zong in nan rak kan theihter naklai zangfah nawl kan in duh hna. 1) min 2) chuah nithla (date of birth), 3) UNHCR card number, 4) CRC Card number, 5) phone number , 6) Address. Note : Ampang khuika ah si i chunh ding tawlreltu lei nih an kan thanh hnu lawngah CRC lei nih kan in theihter khawh hna lai. A rauh hlanah kan in theihter khawh ko hna lai.

Zangfah tein A cunglei a herhmi nan kan kuat tikah Ampang chung chung a ummi lawng nih nan kan kuat ding nawl kan in duh hna. Ampang lawngah siloin Selangor State chung hmun kip zongah Ampang khawhin pehzulh dawh an si caah Selangor area a simi, Gombak, Hulu Langat, Klang, Hulu Selangor, Kuala Langat, Kuala Selangor, Petaling, Sabak Bernam, Sepang etc. hna ah a ummi COVID-19 vaccine aa chunh rih lomi CRC member poah ready in le lungsau deuh tein sichunh nan hngak cio ding thawngthanh kan in duh hna. Selangor area ah COVID-19 si (COVID-19 vaccine) aa chunh cangmi

Le aa chunh rih lomi a zat theih a har caah a cung i langhtermi areas chung a ummi Khrihfabu fellowship upa, pengtlang upa, upa rian tuan a dangdang cio nih 0182872584 (a cung i langhtermi number) ah tuzarh chungah a rannak deuhin nan kan chonh cio ding zangfah nawl kan in duh hna. COVID-19 PULRAI IN NAN HIMNAK HNGA PATHIAN NIH NITIN IN VENG KO HNA SEH. Credit: CRC Malaysia

Thawngpang dang: Tedim Bank Hngak Palik pawl Meithal le Tangka Ting 400 Dengmang an Kalpi Diam.Nihin (August 25) ah Tedim khua i Myanmar Economics Bank hngak SAC palik pathum meithal in an kah hna i an meithal an lak dih pin ah Bank tangka ting 388 MMK zong an i kalpi, tiah SAC nih tuzaan sml. 8:00 ah MWD ah thawng an thanh.CDF nih an tuahmi a si, tiah SAC nih sual an puh. Credit:The Chin Journal

Be the first to comment

Leave a Reply

Your email address will not be published.


*