MAH DIRHMUN CHUNGKHAR AN UM AHCUN PEHTLAIHNAK TUAH CIO HNA USIH

International Committee of the Red Cross nih thawngthanhnak an tuah cang. Tulio kawlram buainak konghe pehtlaiin lamzawhtu hna cu kawlralkap le palek nih an tleih lengmang hna i, chungkhar zong tleih a tongmi konglam athei lomi tampi an um hna. Sihmanhsehlaw hi konglam tleih a tongmi hna an dirhmun le an sining tawlreltu dingah ICRC an um cang.

Anmah buu hi mipi cungah dawtnak thinlung le zawnruahnak he ralkap le palek hna nih an tleihmi hna pawl a buaipitu hna an si. Culawng siloin kum saupi cawlcanghnak atuah cang mi an si pin ah tulio ramchung buainak ruangah tleih a tongmi hna an konglam theih ding le an chungkhar hna pehtlaihnak tuahpiak ding siseh, thonginn chungah a ummi hna zong aherhning in bawmhchanhnak atuahmi caah rian attuanmi an si.

Aid shipment disturbed by Buddhist mob in Myanmar west

Tulio kawlram buainak ruangah na chungkhar siseh, na hawi le kom pakhat khat an tleih hna i, an konglam nan theih khawh hna lo ahcun International Committee of the Red Cross ah thanhnak tuah hna law anmah nih thil sining dottletnak an in tuahpiak cang hna. Hi bantuk thil a tongmi hna nih chawnh nan duh hna ahcun mah phone number 09891754512 siseh yan_tracing_group@icrc.org ah email in pehtlaih khawh an si.

Acunglei ah langhter cang bantukin an mah hi kawlralkap le palek hna nih hliamhma an putter mi hna zong biatak tein abuaipi mi an si i, ralzam pawl zong bawmhchanhnak atuah lengmang mi buu an si hna. Cun kawlram chung myone tampi ah minung an i chiah hna i, cuticun mipi caah zaanghlei cawi in le dawtnak thinlung he mipi a bawmmi buu an si.

Be the first to comment

Leave a Reply

Your email address will not be published.


*