MAH BANTUK THIL LAIMI CUNGAH A CAN HI CU A POI KHO TUK EE

Laimi chungah mah thil a can hi cu apoi ngaingai ko. Ruah lengmang tikah tulio kan tonmi thilsining lak ah hibantuk in thil a vun um hi cu lungrawk ngaingai khi asi. Tulio caan hi pakhat le pakhat kan ti khawhtawk cio ah i bawmhcio ding kan si hna. Bawmchan kho dirhmun kan um ahcun a chanbaumi hna kha an chan baunak kan chawn hna ding mi asi.

Tulio kawlram buainak ruangah harsatnak aphunphun in a tongmi tampi kan Laimi ah an um cang. Laitlang a ummi chungkhar hna tthenkhat hna cu ramleng a ummi fale hna nih zohkhanh lengmang a haumi an um hna. Sihmanhsehlaw ramchung buainak ruangah minung tampi nih tangka kuat khawh or hlam khawh asi tilo caah harnak atongmi an tlawmti lo.

Hi lio caan ah pakhat le pakhat bawmhchanhnak i tuah in, tangka kuat khawh asi ko ahcun tangka kuatnak hna nih ramchung buai lio a si caah tangka kuatman kan tthumh an ti lo hmanh ah cu hlan bantuk tein an tuah dingmi khi asi. Sihmanhsehlaw tutan thil a ummi hi lungrawk ngaingai a si ko. Hi konghe pehtlaiin a tanglei cabia hi vun zoh cio ulaw zeitindah nan ruah cio?

Thawng pakhat ka theihmi te le kaa nawmh lo ngaimi te. Lailei tangka kuat a har tuk caah micheu tangka kuatnak cu a kuat man ting khat ah Rm 10 an lak tawnmi kha Rm 20 ah an kai. Cun micheu cu tangka thlen ret Rm 330 a simi hna kha Rm 300 lawng hna in an lak. Mah te hi ka ruah tikah Pathian theimi kan si hna bantukin kan ruahnak te hi thlen deuh ah a tha rua tiah ka ruah ee.

Hi bantuk har kan ton lio caan tu ahhin kanmah ca lawng ruat lo tein i bawnhchanh cio bantukah ruah in kuat man hmanh kha kan si khawh tawk in tum ding si tiah ka ruah.Micheuh nih ka sin tangka kuat an itim i kuat a ngah lo, lawlawse cu Lailei tangka a dih ruangah a si ka ti hna tikah mah kong hi bia le lam ah a ka chimmi tete an um pah hna tikah lung a ttha lo ngai in ka hmu. Har ton lio cio caan ah hincun dawtnak lungthin te hi kan si khawh tawk cio in ngei kho hna usih law a tha tuk hna ka ti.Credit:Honey Thil Zuarnak

Be the first to comment

Leave a Reply

Your email address will not be published.


*