NGEIHTHIAMNAK LUNGTHIN VUN NGEIH HI CU A SUNGLAWI KO

Salai Pa Thawng, Salai Zathawng, Australia sin in ngeihthiam halnak lehnak.2020 Myanmar Election ah Chin State, Thantlang Pyne No 1 in aa cuhmi Pu Chan Ham le Pi Chin Chin Pekthang ah a sungmi $10000 liam ding bak in na ka challenge caah pasal tiah thatein kan in cohlang i, public/zapi theih in news CBN News tiangah na rak thlah caah biatak tiah ka rak i ruah.

I, Pu Chan Ham a sungh ahcun $10000 liam ding in kan chungkhar nih timhlamhnak kan rak ngei. Asinain Pathian khuakhan kan theih khawh lo bantukin, a sung bak lai tiah nan rak ruahmi Pu Chan Ham nih teinak a hmuh caah na sung. Pumpak inbox ah a phungmen ngaithiam halnak na rak tialmi le online in ngaithiam halnak na rak ttialmi zoh tikah na lungtak in ngaihthiam na kan hal lo tiah kan i ruah.

Asinain Australia ah na dirhmun kan theih. Canada ah na Pu le he zong aa dawmi kan si i, anmah zong nih ngaithiam ko an kan ti pin ah, nangmah nih ngaihthiamnak na kan hal hlan in ngaihthiamcia cu na si ko. Cucaah $10000 liam ding dirhmun in kan in ngaihthiam tiah kan in theihter.Nihin thawk nangmah le Keimah karlak ah $ 10000 i betting nak hi a dih cang. Kan ngaithiam cang.

Lung ttha tein rak um cang. Amah belte ruahnak pakhat langhter ka duhmi cu sining nih a phak lo tiang in midang challenge le online in midang nek ngai in comment ttial tibantuk hi a ttha lo ngai tiah ka hmuh, cucaah kan nau le nan si hmailei ah miphun caah bochan dingmi nan si i bia i sumren kho deuh cang u law tiah duhsaknak kan pek.

chapmi:Joseph Sui Uk chungkhar Canada nih Dawtnak tak le zawnruahnak lungthin tak he a zuam cawhtu Za Thawng cu an biakam dollars 10,000 pe thanlo ding in an ngaihthiam. Ngaithiam nun ngeih hi Pathian thluachuah a si upat an tlak taktak. Sincerely: Salai Joseph Sui Uk Lian. CANADA

Be the first to comment

Leave a Reply

Your email address will not be published.


*