LUNGRAWK BAK SI, HAKHA AH RALHRANG NIH ZING THA LE A UNU AN TLEIH HNA

Hakha khuachung ralhrang kawlralkap pawl cawlcangh ning cu lungrawk taktak asi ko cang. Mifir le damiah timi cu anmah bak hi an si. Kawlralkap ralhrang bantukin vawlei cungah a sualmi an um ti lai lo. Zanttim le khuamang zongah minung an tleih tthan hna. Zahan zan zantim le khuamang ah Hakha ah a ummi unau hna nih an tleih tthan hna.

Zahanzan zanttim le khuamang ah an tleihmi hna unau hi, Esther Zing Tha Cuai le a U nu Aye Maw an si. Anmah an inn chungah an luh hnawh i, ralhrang kawlralkap le palek hna nih an tleih hna. Hi konghe pehtlaiin nizan zanlei suimilam pasarih le cheu hrawngah Pu Thar Aye zong a inn chungah an luh hnawh i, an tleih tthan.

Cun nizan zanlei suimilam panga hrawnghrang ah mino panga hna cu ralhrang kawlralkap le palek nih Hakha Gangaw lam sang ah an tleih hoi hna. An tleihmi hna cu Van Dawt Thawng le Bawi Cung Nung cun Siang THA CEM le Tum Cung le Siang Ling hna an si. Nizan ah Hakha i an tleihmi hna hi an tam ngaingai. Credit: The Hakha Times.

Breaking News: Hakha Lamtonnak Suimilaam Tung kam ah David le a hawipa an  tlaih hna - The Chinland News

Relchih:Big Question Kan Ngei Rih.Ralhrang nih zohchia in mipi an kah hna, an tuk an den hna, an thah hna, an hrem hna, thong an thlak hna.CRPH nih ralhrang ralchanh in dohnak le thlaknak phunphun rian an tuan i cozah thar ser ding tiang in kar a hlaang cang. Ralhrang cu an sining dihlak in dotla lo ah a ser dih cang. Thah dih ding lawng te an si cang.

Dr. Lian Hmung Sakhong zong nih 2008 le NCA cu ralhrang lila nih an tuarsernak in an thah cang tiah a chim. Cucaah zeiruangah dah NCA hi an hngihnganh peng rih timi hi ka thei kho lo. Ral kan tho cang ti phuan zong an duh lo. KNU le KIA dah ti lo!Ralhrang thlak ding in timhnak an ngeih lo caah maw si ti zong ka fiang kho rih lo. CDM cu thazaang an pek ngai fawn i CDM lawng nih cun tlang a kan phak pi lai lo ti zong an theih ko.

Atu tiang CRPH karhlaan ning zoh tikah zong Federal lam cu an ser i telhmi zong an um hna i telh lomi zong an um hna. Kan kal aa rual fawn lo. Question biapi hal ding an um len. Atu ahcun a biapi deuhmi question cu ngeih caan a si lem ti lai.Kan ngeih dingmi tu cu zeitin dah mipi leiin thazaang kan chuah cio hna lai timi zuam caan ding ah ka ruah cang. Khatlei in Taluk nih kan ram mipi thisen le nunnak naak in a zinaan le gas pipe kongah a zai peng hoi.

Huat a tlai i thin a hung. A ngaingai ti ah cun Taluk ruangah Asian miphun dang tiang in huat le thleidan kan tong cang. A zinaan le gas pipe khi puahpiak lawlaw hna seh law a tha tuk hnga. Mipi a kan thattu ah aa tel bakmi an si. Cun ralhrang nih kahngolnak kan tuah lai tiah a thanh than. Mipi a thah rih hna. A duhning poah in a kan tuah i thui a kan timh peng. Lungawtawm caan si lo. Ralhrang thlak caan a si cang. Decision tuah palh caan si lo. Credit: Luther Tin Hre

Be the first to comment

Leave a Reply

Your email address will not be published.


*