A SUNGLAWI TUK HRINGHRAN LAWMHPI CIO HNA USIH

Lunglawmh nak Mithli Luan Caan. Pathian Thawng in Siang Ca Chimh Rian cu Kum 10 deng mang ka tuan. Kum 1 ah Siang Ngak Chia 500 in tuak ah cun Ka Siang Ngak Chia hi 5000 an tling hnga. Ruah lo pi in “Saya na phone number na ka chimh kho hnga maw” tiah authawng ka theih i ramkhel kong ah ruah nak cheuh tu asi lai tiah ka hei kuat salam ko.

Nain ka theih mi aw cu phundang te asi. Ramkhel rian na tuan nak ah A that hnem hnga maw tiah ka thla hlawh chung in lakphak ti man te 50000 MMK kan kuat wave money in ti asi. Khuaruahhar Ar ko in ka um. A time line ka hawl tikah New Light Boarder i ka fapa Salai Lian Thang asi. Monywa in B.Eco Degree alak hnu ah La-vua-ka ah a lut.

NLD ah Democracy A um Ve Ko ahcun Chin Party Um A Herh Loh ...

Rakhine ram le Rohingya hna bawmh chanh ding in Cozah nih an thlah mi ka fapa asi. Pumsa, thinlung le Thlarau lei ah a thanglian zungzal mi siseh law, Mipi le chin mi nih bochan mi Good Citizenship le Model ah si hram seh; AA ral tha lo le Ralkap kut in him bawm seh. Vancung mi le Pathian fa hna cu Kiltu le Hupphen tu si zungzal hna seh.

Arau hlan ah a reng zong kai seh law Pathian Thlawchuah bong mal sawmza cu; a caah si zungzal seh; tiin thlacam piak le siangkiricin thluachuah hal piak hlei in a caah ka tuah khawh mi le tuah ding dang a um lo mi nih; lunghno in rial ti dai bang, mithli zur zur in luang thliah mah ve ai cang ee. Credit: Saya Rung Kaw