LUNG AHMUITUK CANG, TLANGCUNG HRIAMTLAI NIH BIACHAHNAK AN TUAH CANG

Rampi kahdaihnak minsen a thumi Tlangcung hriamtlai phu(10) hna cu biachahnak thar an tuah mi cu lung a hmui taktak. A hlan UNFC an rak dirh mi bantuk in Tlangcung hriamtlai phu pawl i fonhnak phuthar pakhat ser ding in lungtlinnak an tuah khawh cang tiah Myanmar Now nih a tarlangh.Atu lungtlinnak an tuah mi cu တိုင်းရင်းသားလက်နက်ကိုင်တပ်ပေါင်းစု timi a si.

NCA minsen a thu mi Tlangchung hriamtlai phu(10) nih cun dirh ding in lungtlinnak an tuah cang i CNA ah aa tel rih lomi Tlangcung hriamtlai phu dang pawl zong sawm hna ding in timhtuah a si lawng si loin “NCA ah aa tel rih lomi Tlangcung hriamtlai phu pawl a sawmtu ding Committe zong an dirh lawlaw fawn” tiah Myanmar Now nih cun a tarlangh.

Rampi kahdaihnak minsen a thu rih lomi hriamtlai phu pawl KIA, UWSA, SSPP, TNLA, MNDAA, AA le KNPP tibantuk pawl zong kan sawm dih hna lai tiah an biachahnak ahcun an telh chih hi asi.Cun tutan an meeting ah biacahnak puitling ngai an tuah rih mi cu “NCA minsen a thu mi Tlangcung hriamtlai phu(10) nih caan karlak Cozahthar (NUG) hi kan cohlan, CRPH siseh, NUG siseh kan cohlan lawng si loin kan dirkamh lai,

Tlangcung hriamtlai kan dihlak huap in sieh, a cikpak phu cio zong in siseh, kan dirkamh lai timi cathanh an chuah hi asi.Kan hnu lei caan karlak Cozahthar nih thawngfianhnak an tuah lio zong ah “Federal Army kan ser colh ko lai, a si nain felfai tein timhtuah a herh caah caan a rau deuh kho, cu a si lo ahcun Tlangcung hriamtlai phu dihlak fonhnak phu pakhat, dirti nak phu pakhat ser hmasa zong a hau te men lai” tiah an rak chim ve.

A hlan ah Tlangcung hriamtlai phu vialte i komhnak, UNFC timi a rak um. Cucu kawl ralkap nih an rak tih taktak mi asi. Caan sau an kal ko nain, a karlak thil tete ruang ah le, a pikpak in Ralkap le Cozah nih lemsoinak a rak um mi ruang ah an rak ngol chung bal. Tutan cu caan karlak Cozahthar thinlung dirhmun, Ralkap a hram in cawih nak, thlak nak caaah timhtuah bak mi a si caah ruahchannak a ngan ngai ko. Source: Myanmar Now

Min Aung Hlaing Nih Tlangcung Hriamtlai Aton Hna HiHi Tih Nung Tuk Mi Thil  Pakhat Asi - ZODAILYNEWS

Relchih: Thawngpang ttha, Ralhrang kawlralkap nih Mindat khuami minung pasarih an tleih mi hna cu an thlah cang hna. Ralhrang kawlralkap hna nih aliamcia April ni 24 ah khan Mindat khuami minung hna cu ningcang loin an rak tleih hna. Cu an tleihmi hna cu kan thlahpiak uh tiah an vachimh hna tikah an thlah duh hna lo caah Chinland Denfense Force nih an kah hna.

Ralhrang Kawlralkap le Chinland Defense Force karlak ah biatak tein kahnak a chuak i, ralhrang kawlralkap lei in minung pakul an nunnak a liam. Culawng siloin hliam atuarmi zong an um len tiah an chim chih. Hi konghe pehtlaiin ralhrang kawlralkap hna le Chinland Defense Force Mindat hna cu ceih hmainak an tuah. Cu an tuah hnu ah ralhrang pawl nih khuami cu atubantukin an thlah hna hi a si.

Be the first to comment

Leave a Reply

Your email address will not be published.


*