LUNG AFAK BAK TUZAN A SUNGH NING CU CELH DING ASI BAK LO

Vawlei cung mipi vialte le Chinmi vialte hna nih kan i hngah hlang taktak mi Aung La Nsang aa phomhnak caan cu anai cuahmah cang. Arauh hlan ah aa phomh cang lai. Aung La Nsang hi kanmah Laimi Phun cu a silo. Sihmanh sehlaw Laimi bantuk in kan ruahmi le kan zumh siseh kan dirpi taktak mi pakhat asi. Aruang cu Kawlram minung asi ca zongah khin asi.

Culawng siloin Laimi nih vawlei cung minthang kan i ngeih chunmi Tial Cung Thang he neihniam tein a um ttimi le atlongleng ttimi an si caah Chinmi vialte zong nih kan uartuknak a ruang pakhat zong cu asi. Aung La Nsang cu tuan deuh Malaysia an i phomh lio zongah sunglawi taktak in Laimi hna nih donmi le Lai puan tiangin eih hrukmi a si.

Tuzan cu mezei paoh thinlung a cawlcaang ngaingai lio khi asi. Cucu ahohmanh chim loin kan theihdih mi asi. Kan lung a tur, kan mit zoh a fak, Kan taksa a cawlcang hna. Kan mawh hrimhrim lo. Zeipaoh sisehlaw a cung kan chimcia bangin a ni le caan cu tlolh awk attha hrimhrim lomi ni le caan a si ko cang. Aung La cu tutan aiphomh mi asi.

Aung La Nsang le Reinier an i phomhnak ding cu Laimi vialte siseh Chinmi or Vawlei cung hmunkip kaa kip a ummi vialte zong nih kan i hngah hlang taktak mi asi. Kan lungput ahcun Aung La Nsang nih tutan hi cu teinak hmuh hrimhrim sehlaw tiah kan ti dih. Atu le tu zeitik ah dah an i phomh lai timi lawng kan hngak cio hna. Kan mawh hrimhrim lo. Abiapi tukmi puai asi caah asi.

Aung La Nsang nih an i phomhnak konghe pehtlaiin Nizan ah a chimmi cu zawtnak a um cuahmah liopi a si caah mibu cun rak um hlah in rak hlah uh. Cun i thuatnak velh thongh a si caah lungzawtnak angeimi hna nih cun ralring tein rak um uh. Damte in nan um khawhnak ding caah thla kan campiak hna, i nan ka dawtnak cungah kai lawmtuk tiah a chim.

Atu hi a cunglei kan langhter cang bantukin an i phomh lio kong kha asi. Thin zong a vun phang ngaingai. Sihmanhsehlaw Laimi vialte hna nih cun kan dirpi hrimhrim ko timi fiangtein hmuh le theih khawh asi. Aruang cu an i thuatnak video zoh hmanh ah vawlei cung pumpi huap in Laica bakin Aung La kan i dirpi tiah atimi tampi hmuhkhawh asi. Tutan zongah teinak a hmuh lai tiah kan i ruahchan cio.

An vun i thuatning vun zoh tikah pakhat le pakhat patthawng veve cu an si i, thin zong adur caan tampi a um hung. An i phomh vun zoh lengmang tikah Aung La Nsang nih a vun teipah ngaingai. Adonghnak tiang an vun i thuatning cu zapi nih kan theih cio dih mi a si. Sihmanhsehlaw thatein a zohmi nih cun ahodah thil atikho deuh timi zong kan hmuh in kan theih hna lai.

An vun i tthuat hramthok bak ah Aung La Nsang nih voikhat a thuat manh. Cu hnu ah an vun i kup i, Reinier nih atengh kan ti lai maw an tlu tti kan dih lai dah. Caan zeimawzat cu an vun i tlai hna. Aung La cu a tai in a vun reh i, mifa naupa a cawlcang kho ve hrimhrim lo. Caan zeimawzat cu an vun i tlai. An vun tho, an tlu tthan, Aung La cawlcang kho ti loin, a tuah ruangmang ko cang. Minute caan hmanh a rauh hlan ah lohbak si ko.

Be the first to comment

Leave a Reply

Your email address will not be published.


*