LAWMH A UM TAKTAK, FIANG KOIN CATHANH AN CHUAH CANG

Vawleicung ram (65) chung in Mino lei cawlcanghnak phu NGOs (252) nih Kawlram mipi dirkamhnak, hramhram in mipi uknak a chut tu Min Aung Hliang hruaimi Ralkap Council sualphawtnak cathanh an chuah i Kawlram mipi venhimnak ding caah a si khawh chung in cawlcanghnak kan ngei ve lai tiah an langhter.Members of World’s 252 Youth Organiztions and Civil Soceity” timi phu nih cathanh an chuah hi a si.

Joint Statement of World’s Civil Soceity and Youth on Myanmar’s Human Rights Crisis timi tlangtar in cathanh an chuah hi asi. Hi cathanh a chuah tu hna hi Vawleicung ram 65 chung in Mino lei cawlcanghnak phu 252 fonh in tuah mi a si i an phu dihlak cio rianttuan tu mino milu zat hi 1.7 million hrawng an si. A sullam cu vawleicung mino 1.7 million nih Kawlram mipi dirkamh nak cathanh an chauh ti zong in chim khawh a si hnga.

Cathanh an chuah mi ah Min Aung Hlaing le a minung nih ram mipi tuksapur thahnak, tlaihkhih le thongthlak a tuah mi vialte, nuhrin covo faktuk in a buar mi vialte ngol ding in an hal.Cun Myanmar mipi venhimnak caah biatak tein cawlcangh ding in timhtuahnak zong an ngei i Myanmar tulio dirhmun vawleicung nih fiang chin in an hmuh khawhnak ding ah ramchung media vialte,

Ramkip media vialte zong nih fak deuh pi in rianttuan le Myanmar ram dirhmun tarlangh lengmang ding in forhfial nak an tuah fawn.Kawlram dirhmun kong ah UN lawng si loin vawleicung ram hruaitu upa kip sin ah Myanmar mipi dirkamh an herh nak kong chim le forhfial nak tuah ding zong in timhtuahnak an ngei. Atu tan cathanh an chuah mi zong UN General Scretary sin ah an phak ter lawng si loin,Vawleicung ram hruaitu pawl sin ah an phak ter cuah cang ti asi. Myanmar mipi a rannak in dirkamh an herhnak, Mipi duh mi Cozah a dir khawhnak ding ah vawleicung ram hruaitu pawl hna cu a cikpak zong in kan ton cuahmah hna lai i forhfialnak kan tuah lai tiah an langhter hi asi.

No description available.

Relchih:Pasalttha Mindat CDF le ralhrang kawlralkap hna cu biaruahnak an ngeih cuahmah lio a si. Asinain tlamtling ngaingai in biaruahnak tlamtling an ngei kho rih lo tiah a si. Chawnh biaknak an tuahmi chungin hnatlaknak pakhat an tuah khawh nak in a hnu bik ah halnak an tuahmi a um veve. Avoikhatnak biaruahnak an ngeih ah ralhrang kawlralkap nih mino pasarih an thlah hna.

Pasalttha Mindat CDF zong nih Mindat khua pawngah an hrenmi ralhrang kawlralkap minung sawmthum hna cu kal umnak lam an on piak ve hna. Tutiang dirhmun ah pasalttha Mindat mino paruk hna cu ralhrang kawlralkap kut ah an um rih ti a si. Hi konghe pehtlaiin biaruahnak an ngeih cuahmah lio asi tiah thawngthanhnak an tuah.

Biaruahnak an ngeih mi ahcun ralhrang kawlralkap hna nih Mindat khuachung ah siseh a pawngkam ah mipi nih runvennak an tuahmi sakhan hrawh i, mipi cu daite in um dingin halnak an tuah. Pasalttha Mindat CDF lei nih halnak an tuah ve rih mi cu a tu atang rihmi mino paruk thlahpiak dingin siseh, mindat khuachung ah ralkap pawl meithal he vah lo ding.

Cun Lai meithal pawl lak dingin innkip ah luh lo ding tiah halnak pathum an tuah ve hna. Atu ahnu bik halnak konghe pehtlaiin biaruahnak tu cu atutiang ah biachahnak or remnak an tuah kho rih lo. Tutan ah an i chawnh ruahnak hi hmaitonh in siloin phone hmangin biaruahnak an ngeih hi a si. Atu zong CDF mindat cu khuachung ah siseh khualeng ah sakhan an tuahmi ah timh ciatein an um peng ko rih ti a si.

Be the first to comment

Leave a Reply

Your email address will not be published.


*