LAITLANG A HUNG PHAK VE CANG, A POI TAKTAK MI PAKHAT CU

Laitlang a hung phak ve.Hrik kai hnuah lang colh loin ni zeimaw hnuah (symptom) a lang i cu a langh hlanah mi a rak chonh khawh duahmah len cangmi hi a poi khun. Cucaah lau tuk awk asi lo nain a hlei in i ven thiam cu a ṭha.Lai miphun cu “collectivist society” kan si.

Nitlakram bantuk “individualistic society” kan si lo Cucaah nitlakram hmanh “lockdown” an i tuah cun Laimi cu a hlei in ivennak tuaktan kan hau.Thapeknak le hnangamnak lei bia deuh khi tam deuhpi Laimi lakah leng deuh sehlaw tih-launak lei cu tlawm deuh kho seh law a ṭha ngai.

Nawlngeitu le Acozah bia ngaih cu Pathian nih a kan fial i a kan duhpimi asi caah Khrihfa nih cun a bikin nawlngeitu lei an chimmi hi cu kan upat le kan zulh cio dih hi a ṭha ngai.Mirang nih “prevention is better than cure” an ti. Tutan zawtnak kongah “mi dang himnak caah nangmah i veng” ti bia a lar ngai. Kanmah thlahdah ruangah midang nih poipang an ton sual lo khi a biapi ngai.

Relchih:Tu zanlei ah Kawlram Acozah nih Chin ramkulh ah Covid-19 in a zawmi an hmuh hmasa kong an hun thanh tikah ruah-awk tlawmte a umter.Kawlram Acozah nih hi kongah an hmuh ko nain hmasa tein an thanh duh sasai lo hna asi sual hnga maw ti kha mi tampi lung a rak hring pah.

Tuchun cu ram 180 leng a kai cang tikah tuah lo awk ṭhalo dirhmun nih a tlak caah an tuak i Chinram in an hun thawk hna asi sual maw ti khi micheu cu an ruat men ko lai. Si hraw hlah seh ti kha kan duhmi cu asi.Ngandamnak lei a cawngmi ka si lo nain thil pahnih thumte khi chim ve ka duhmi a um.

Hi zawtnak an tih khunnak pakhat cu hrik an kai sual tikah lang colh loin ni zeimaw hnu hna lawngah (symptom) a lang i cu karah mi zeimawzat a rak chonh manh khawhmi hna kha asi. Cucaah thinphan thlalau tukin um awk cu asi lo nain a hleice in kan i ven thiam deuh hna cu a hau, tinak kha asi.

Lai miphun cu naihniam tein a umtimi le a bu in khuasa mi phun (collectivist society) kan si. Nitlakram bantuk “individualistic society” kan si lo. Chin ramkulh cu kan “medical facilities” zong a tlamtling lo ngai rih. Cucaah nitlakram hmanh nih “lockdown” hna an tuah i an i ralrin khun ahcun Lai miphun cu a hlei in ivennak le ikhamnak rian tuaktan kan hau khun, tinak asi.

Thawngpang kan i zamh hna tikah a dikmi le rinhtlak an si kha a biapi tawn. WHO maivan ah nazi 24 chung “update” an tuah i situation report zong 63nk an chuah cang. Mi kan i siaherh ahcun Ngandamnak Zung le WHO an bia hi kan lak tawn hna ahcun a ṭhabik. Thapeknak le hnangamnak lei bia phun deuh kha tam deuhpi Laimi chungah leng sehlaw tih launak le ṭhih phoihnak lei bia phun cu hrial khawh cio hi a ṭha ngai.

Pathian bia nih uktu Acozah hna an nawlngaih kha a kan fial i a kan duhpi. Hi zawtnak kongah Acozah le Ngandamnak Zung nih zulh-awk le tuah-awk an chuahmi tete a um len. Laimi cu kan zapi dengin Khrihfa kan si caah nawlngeitu lei nih an chimmi cu pel lo tein kan upat le kan zulh khawh cio hi a ṭha ngai.

Mirang nih “prevention is better than cure” an ti. Thil kan cung a tlun hlanah kan rak i kham chungmi kha thlopbulnak ṭhabik cu asi ko. Tutan Covid-19 kongah “mi dang himnak caah nangmah le nangmah i veng” timi bia a lar ngai. Kanmah thlahdah ruangah midang nih poipang an ton sual lo kha a biapi ngai. Pumpak kan cung cioah ṭuanvo hi a lian ngaingai.Khuazing Pathian kan kilveng hram cio ko seh.Salai VLT

Credit: Salai Van Lian Thang