LAIMI BOCHAN MI KANPA ZONG NIH CHINCHIN KONG ACHIM VE CANG

Chinchin Pekthang Mee Pe Uh: 2020 Kum Thimnak ah ka naunu Chinchin Pekthang cu Thantlang peng Pyine Mesandahne No. 1 in Pyine Hluttaw kuzale ai cuh ve lai ti ka theih le kai lawm tuk. Thantlang peng sahlawh rualchan le hawikom vialte nih amah hi mee rak pe cio u tiah kan nawl hna.

Chinchin pa Pu Pek Thang (Vanzang) hi ka pa Rev Van Lo (Sihhmuh) pu asi. Pu Pek Thang nih atupa Rev Val Lo hi adawt tuk hlei ah ai chor ngai. Cucaah afale zong akan dawt chih dih. Amah fale zong nih an kan dawt ve le unau ttafar taktak bantuk in aummi kan si. Van Lo fale vialte Falam kan phanh ahcun kan pu Pek sinah kan itthum i kan bualcel tawn.

Chinchin te unau rual hi an hmet lioin atu tiang an ziaza zong ka hngalh dih hna. Mittha, miding, mifel, Khrihfa tha an si. Kan pu Pek hi ka u Hrang (Pu Hrang Nawl) MP ai cuh lio zong, Bawi Cin nu he an itthitumh lio zongah adirkamhtu asi. Ka pa le ka ule an thih lio zongah Hakha ah ruakhumh ah afale he an ra.Chinchin hi Lai nusalttha pakhat asi.

Dothlennak, Kahdaihnak, Cawnpiaknak zongah ai tel lengmangmi hmuhton tampi neimi asi. Vuleicung ram hruaitu cheukhat le Kawlram hruaitu pawl he zong ai tong balmi asi. Tlangcung party tampi komh bu NBF zongah atu tiang director ttuanmi asi. Tlangcung party upa vialte nih an hngalh dih. Kawlram TV zong nih Kawlram nusalttha pakhat tiin interview an tuah bal.

2020 thimnak ah nusalttha le pasalttha kan herh hna lioah Chinchin nih amah pengtlang tein Pyine Hluttaw kuzale ai zuam vemi hi Thantlang peng kan van attha. Thantlang peng ai-awh in bia achim kho ding le rian attuan kho ding asi. Cucaah “Chinchin Pekthang Mee Pe Uh” tiah kan nawl hna. Richard Zatu

Be the first to comment

Leave a Reply

Your email address will not be published.


*