KUVA EI PIAK RUANGAH KUM 9 HNGAKCHIAPA A NUNNAK ALAK

Kuva an eipiak ruangah kum kua te lawng asirih mi hngakchiapa cu nam in a nunnak alak. Hi thil hi kan unau Mizoram Siaha district chungah a cangmi thil a si.Hi konghe pehtlaiin Siaha in thawngthanhnak ah an chimmi cu Nizan chun ah khan hngakchia kum 9 a simi Bei Hnei Pha (S/o Pu Ismaela) le a ahawi le hna cu Satlia mi, N. Beihrokhai nih kuva va caw uh tiah rian a fial hna ti a si.

Kuva an cawkmi an eipiak i, hngakchia kum kua asi Beihneipha nih amah lawngin kuva cu inn chungah a va pek. Cu ahcun N. Beihrokhai nih hngakchiapa Beihneipha cu a tleih hnu ah Namtong in a rak tuk tiah an chim. A hawipa nih Beihneipha a au thawng a theih i, a va zoh tikah thil sining a hmuh i, amah zong attihtuk i, thinphannak in a khat. Cuticun a au i, midang pawl nih an rak chuah hnawh.

Pawngkam a ummi hna nih an vun chuah hnawh tikah cun Hngakchiapa te cu faktuk in hliamhma a rak tuar cang. Rianrang in Siaha sizung ah kalpi an timh cuahmah lio ah a hliam hma afah tuk caah a nunnak aliam tiah an langhter chih. Kum kua hngakchiapa Beihneipha a thattu N. Beihrokhai hi ritnak sitthalo atawng mi asi i, a thluak zong ahman tilomi a si tiah an chim.

Asinain a caan ahcun hawi bantuk in a um tawnmi asi tiah an chim. Culawng siloin mah mithattu pa hi a chungkhar hna zong nih an buaipi lengmang tawnmi asi tiah an chim chih. Hngakchia ruak cu zankhua deipi a si i, tuchun ah a ruak an vui lai tiah theih asi. Mithattu pa konghe pehtlaiin khuachungah thildang a chuah tilonak dingah tiin mithattu pa cu Chhaolo MTP hna nih palek sin ah an chiah tiah an chim. LPS CM

Thawngpang Dang: Monywa peng chung khua pawl nih Monywa khua chung ah kal in duhlonak an langhter dih hnu an tlunglei ah Kawl ralkap le Police nih an dawh hna i an kah hna tiah theih asi. Cu ruang ah minung pakhat a thi i a dang pawl zong tlaih khih an tong ngai. Monywa peng, nichuah lei khua pawl le Ayardaw peng lei um khua pawl fonh in minung 2,500 hrawng nih thahrum in uknak la tu ralkap duhlonak langhternak cu March 15 ah an tuah.

Cu mipi pawl an tlung lei ah Kawl ralkap le Police nih thazaang tam ngai in an dawi hna in an ṭhiam hna tiah cuka hmun um pakhat nih a chim. Motor pakhat kah a tong i driver Ko Zaw (kum-45) cu a ṭang ah kuan nih a khenh ruang ah a thi ti asi. A ruak cu Kawl ralkap le police nih an i kal pi tiah a hmutu pakhat nih a chim. A hmailei motor ke an kah hmasa, cu hmai lei in an kah.

A thi mi ṭang ngelcel a khenh tiah zumh asi” tiin cu lio thil sining a hmu tu Ko Aung Myint Tun nih a chim. Motor hi vawlei phorh nak motor asi i motor aa cit tu minung 30 hrawng tlaih an tong beh ti asi. Ywar Tone khua pawng zong ah tlaih a tong mi an um nain khua mi pawl nih an kulh hna ruang ah an tlaih thai hna lo tiah theih asi. Cu bantuk tuk kah le thanh tong hmanh usih law duhlonak langhter nak cu pehzulh tein kan ruah rih ko lai tiah mipi pawl nih an ti. Credit:CCNC

Be the first to comment

Leave a Reply

Your email address will not be published.


*