KNU NIH KAWLRALKAP HE AN I KAHNAK KONG AN PHUAN CANG

Kawlralkap le KNU faktuk in an i phomh, KNU nih kawlralkap minung panga an kahthah hna. Hi konghe pehtlaiin KNU nih thanhnak an tuahmi cu Nizan March ni 9 ah Mon ramkulh lei ah Karen Ralkap KNU le kawlralkap karlak ah tukdoh kahnak a chuak i, Kawlralkap minung kahthah an si tiah thanhnak an tuah. Hi tukdohnak ah Karen ralkap a nunnak aliammi cu an um lo, asinain kan sakhan tu cu kan chuahtak ve tiah an chim.

No description available.

An i kahnak aruang bik cu Kawlralkap thiltuah ruangah a si. Mon ramkulh Thaton pengah Karen ralkap umnak hmun cu Kawlralkap nih an kah hna ruangah kaphnih in i kahnak tiang a chuahnak hi asi. Biatak tein i kahnak a chuah hnu ah Kawlralkap minung an nunnak aliamnak zong hi asi. Hi tukdohnak ah Karen ralkap lei in a nunnak aliammi an um lo.

No description available.

I kahnak ah hin Kawlralkap minung an tamtuk caah Karen ralkap nih an sakhan an chuahtak nak zong hi a si tiah an chim. Theihcia le thanhnak tuah cang lengmang bantukin tulio kawlram buainak ruangah KNU cu Karen ramkulh chungah lamzawhnak atuahmi mipi hna an himnak dingah tiah akilven hna i, khuachung ah an lut tawn. Cu ruangah Kawlralkap nih an sakhan ah an fuh lengmang i, nai hrawnghrang ah i kahnak achuahnak hi asi tiah an chim. KNU

Relchih: Nihin March ni 9, Kalaymyo Sandah piahnak ah aa tel vemi, Sanmyo ah a ummi Van Lian Ceu le Chin Chin cu sandah piah hnu ah Kawlralkap nih an tleih hna i atutiang an umnak theih an si rih lo tiah kan theih. Van Lian Ceu le Chin Chin hi sandah piah a dih hnu ah Cia-inn khua ah an va kal. Cu an kalnak ahcun Lampi ah Kawlralkap tapung nih an tleih hna i, khuazei dah an hruai hna timi zong theih a si lo.

Cheukhat nih an chimnak ahcun an pahnih in Kawlralkap nih hramhram in an hruai hna, an motorcycle zong kawlralkap motor cungah an khin chih tiah a chimmi an um. Asinain khuazei ah dah an hruai hna timi a thei mi an um lo. Atu hi chungkhar lei zong lungre athei ngai cang. An mah ti khawh tawk in chungkhar lei zong nih an kawl len ko hna nain an hmu rih hna lo ti asi.Zaangfah tein thawngpang a theimi, an umnak hmun le hma a thei mi, an tleih hna lio fiangin a hmumi nan um ahcun Cechael Cung Hnem Iang timi facebook ah thawng kan thanh colh cio hram uh tiah nawl patnak an tuah. Kan hawi le kom nih an hmuh khawhnak ding ah share in bawm cio hna usih.

Be the first to comment

Leave a Reply

Your email address will not be published.


*