KIA NIH RALHRANG BAWI AN THAH MI ZAT AN LANGHTER CANG

KIA nih ralhrang kawlralkap bawi an thahmi min an langhter cang. Ralhrang kawlralkap le KIA hriamtlai an i kahnak ah ralhrang kawlralkap bawi a nunnak aliammi min an langhter hna. Kachin ram chungah Banmaw le Myothit cun Kungla le Nwelan siseh Dawphungyan ah ralhrang le KIA cu pehzulh in nisarih chung an i kap. Cu chungah ralhrang kawlralkap bawi minung 13 an nunnak aliam.

Nikhat Chungah KIA Le Kawl Ralkap Voi (4) Bak An I Kap -

Hi konghe pehtlaiin KIA nih thanhnak an tuahmi cu ralhrang kawlralkap bawi nunnak aliammi hna hi Buhmu Phyo Wai Lin le Buhmu Phyo Aung Pwa cun Buhmu Zin Min Htwe le Buci minung pali le adang paruk, an dihlak in minung 13 an si tiah tlamtling tein an langhter. Hi vialte ralhrang kawlralkap bawi an thih ahhin adang ralkap sawhsaw cu tampi an nunnak aliam ti a si.

KIA Hmai Ah Cun Kawl Ralkap Pawl Cu Kutke Tlamtling Lomi Ko Khi An Lo -  Khuaruah Har News

Relchih:Upat peknak a tialmi a si. Miphun Dawtu Rev. Dr. Hai Vung Lian Upatnak. Hannah pa hi Pathian a dawtu lawng si lo in Minung hawi a dawtu zong asinak hi a rak postmi hin fiang ten hngalh Khawh si. Cun Chin/lai Miphun a dawtnak in kei zong a rak ka dawt ve caah ka upatmi asi. Ka Philh Kho lo, ka ngaih chia tuk ve. Upatnak ah ka Hun Tial ve.Kan rak I hngalhnak hi mui hmuh hlan in a rak si.

Lai holh le bia kilvennak ah lai hla kan chuahmi hi a rak ka lawmh tuk. 2006 Korea sianginn ka kai lio ah hin USA ah Miphun daw a hawi sin ah Sm Bawi Cin vedio cemara kan cawk piak lai tiah a rak sawmhna. Tangka a rak kholh hna. Pa Hlun nih amah pei USA ah a kan tlawng lai cu tiah a rak chimh. A rak I lawm tuk I Ca a ka kuat cawlh. Visa ka hmuh in kan thanh cawlh te lai ka rak ti.

USA Na rat cun Indiana Na phanh lai rak ka thanh law kan rak in ton hrim lai a ka ti.Visa cu Pathian dawtnak thawng in ka hmuh. A chim bantuk in ka thanh I. Ka tta le nih thlacamnak an rak ka tuah piaknak ah thawngtha chim kan thiah. Athaisung ka nau Moemoe le hngakchia 2 he kan tuahnak CCC ah an rak ra. Dawtnak Kong a rak kan chimh, a herh tukmi si. ka Philh Kho lo. Mah Ni cu ka hmuh hmasa bik si.

Mui hmuh bal lo in Miphun dawt ruang ah Miphun daw ve mi si lai ti in a rak ka dawt. Cemera cawknak zong Cu a rak ka put pah.2014 ah USA ka phan than. Rak kan tlawng ati. Pastor si cang. Kan pa 2 manh can a khah lo ruang ah ka tlawng kho hna lo I, ka fa le Na hmuh tak hna lo si kho lo tiin an umnak le Indiana kar vanlawng sernak pawl zohnak ah Hun Ra ko ati I chikhat kan I tong. Fa 7 an ngeih hi ka uar tuk hna. Ka upat tuk hna.

Laimi nanmah bantuk in nau ngei cio usih law that lai ning ka ti tawn hna caah a fa le he a kan ton ter. Hman zong a kan thlak. Kan I thla Len hna.A zawt lai te zong ah kan I chawn. USA Na phanh cun Na kan tlawng hrim lai ati. Aw, Cu ngai fah Cu. USA tlawn khawh zong ah bau riangmang cang lai mu.Hannah pa. Pathian Na dawtnak le midang hawi Na kan dawtnak hi kan Philh hrim lai lo. Ka Fb te in Upatnak kan pek. Acu ka thin! Lian Ai ko kun law. Na Dawt Bawipa nih tantak Chungkhar hnangamnak le daihnak pe ko hna seh law thluachuahnak vialte zong pe chin ko hna. Credit:Bawicin

Be the first to comment

Leave a Reply

Your email address will not be published.


*