KHUATHAR BIAVAIVUAN KONGAH FIANTERNAK KA TUAHMI HI RELCIO DING KAN SAWM HNA

Tu lio Khuathar biavaivuan kongah fianternak kan tuahmi hi rel cio dingin kan sawm hna. Hakha Khuathar Nu le Pa, U le Nau Sin Ah Fianternak: Salai Van Chan Ceu (Pyine Hluttaw Candidate, CNLD). Hi fianternak ka tuah mi hi a dihdongh tiang nan ka relpiak naklai toidornak he zaangfah kan nawl hna. Pakhatnak. Hakha khualipi ah sipin nih sipin area kautuk in an lak mi ekah (28096) chung in Hakhathar No (1) ah ekah (1662), Hakhathar No (2) ah ekah (1366) kong he pehlai in Salai Van Chan Ceu nih cozah sin ah halnak a rak tuah ruang ah atu bantuk in sipin area ah an sernak a si, tiah puh ka tong. Hi Hakhathar ah sipin nih area kaupi an chap mi cung ah keimah pakhat hmanh kaa tel lo.

Pahnihnak. Hi Hakha vawlei hmunhma kong ah Hakha Khualipi hmunhma ti in 2017 September 12 ah Union Cozah (bahu) lei in thawng rak thanh cang mi a si. Bahu lei thawngthanhnak ah Hakha Khuapi hmunhma tiin an langhter i Sinpin Area ah kan chiah tiah an langhter mi pakhat hmanh a um lo. Pathumnak. Hakha Khuathar nih Sandahpiah nan rak i timh lio zong ah Pu Khen Dum sin in thawng ka theih i amah Pu Khen Dum zong Sandahpiah ding ah le a herhmi kongkau ah ka si khawh tawk in ṭanpinak ka rak ngei.

Palinak. Atu lio cu ramkhel i cuh lio a si caah aho paoh nih tei duh cio a si. Asinain a thurhnom mi ramkhel tuah in atu bantuk in ‘puh lo puh’ ka ton mi cung ah ka ngaih a chia hringhran. Hi bantuk in pumpak limhang hnorsuannak he a dik lo mi thawng a vahpitu cu upadi ningin ṭuanvo kan lak hna lai.

Image may contain: text

Panganak. “Cozah nih Sipin Umnak ah Pupa Ram A Um Kho Lo” an rak ti tawn. Chin ramkulh kan ram le vawlei cu kan pupa nih an tlak mi a si i sipin a um hlan ah kan pupa an rak um diam cang. Sipin cu mizapi nih democracy ning in kan dirh chom mi a si ti hi cozah nih an hngalh a herh. Cozah nih ningcang tein kan ram le kan vawlei hi mizapi he ceihkhan le hnatlaknak lak hnu ah tawlrel ding hi pumpak in ka dirpi mi le CNLD nih policy ah aa tlaih mi zong a si.

Image may contain: text

Paruknak. Cucaah Salai Van Chan Ceu nih Hakhathar (Kaifiang, Tawlangcho in Bungva Tiang) (မြေလွတ်၊ မြေလပ်၊ မြေရိုင်း) Eka (5000) renglo a sok tiah an ka puh mi hi biachokvai le ka tuah mi hrimhrim a si lo tiah upatnak he kan theihter hna. Keimah cu pumpak hrim in Kawl ram cozah nih 2012 ah siseh, 2017 siseh(မြေလွတ်၊ မြေလပ်၊ မြေရိုင်း ဥပေဒ) ah vawlei hmannak nawl a chuah mi hi Chin ramkulh ah hman lo ding in doh aa tim mi ka si. Cun Hakha vawlei hmunhma kong ah sipin nih a tawlrel ning zong hi zohṭhan ding le a herh ahcun tharchuah ṭhan ding ah aa tlaih mi ka si.

Image may contain: text

Pasarihnak. Cucaah Hakha Khuathar lawng si lo in Hakha Khualipi ah vawlei hmunhma kong ah zeihmanh pehtlainak ka ngei bal lo i, hmailei zong ah mizapi hnatlaknak tel lo in riantuan kaa tim lo. Hi bantuk thawngpang tete hi ramkhel ah a um lengmang khawh mi a si caah nan rak theihthiam cio naklai kan nawl hna. Cucaah hi kong ah thimfung pek ding lungawtawm lo in nan kan tanpi naklai le nan ka dirpi naklai upatnak he kan sawm hna.Mizapi Upatnak le Hmaizahnak he, Salai Van Chan Ceu

Be the first to comment

Leave a Reply

Your email address will not be published.


*