KHRIHFA UPA NIH FAPHIR UNAU HNA ATLEIH HREM HNA, AN THIN HUNG TUK

Apoi taktak khi asi, mah bantuk thawngpang cu..Khrihfa upa pakhat nih kumtling hngakchia atleihhrem hna. Atleih hremmi hna hi faphir an si i, kum ruk te lawng a upa rih mi an si. Hi konghe pehtlaiin thawngzamhtu nih alanghter ning cu a tanglei bantuk in hin an si.

Mizoram Lunglei Farm Veng timi ah Khrihfa upa pakhat nih kumtling lo hngakchia pahnih hna cu a tleih hrem hna, zaangfak taktak khi an si. Thil sining cu hitihin a si. Kan hnu zarh ningani ah khan hi thil hi a cangmi asi ko nain thil sining taktak an theih cu ahnu lawngah a si.

Cawn Ningani ah khan Khrihfa upa pakhat C Lalhmangaiha nih faphir unau hna kum ruk minung te lawng asi rihmi hna cu datsi kan la lai tiah Motor in a kalpi hna i, a motor chungah cun a tleihhrem hna. Nu hngakchia chungkhar hna nih hin thil sining tuan ah an thei kho lo. Aruang cu an chim ngam lo caah asi.

Nu hngakchia pahnih hna cu a fak tuk tiah an ttap lengmang ti asi. A nu le apa nih na zeidah fak, zeitindah asi tiah an hal len zongah an chim ngam lo. Afah ruangah an ttah a deih hlei lo caah hringtu an pa nih a ruang um lo i, ttah cu chim uh, nan chim lo cun kan vuak chap hna lai tiah a hro hna hnu ah thil sining cu an phuan.

Hi tleihhremnak konghe pehtlaiin an sang ah a ummi buu pakhat MHIP nih cathanh zong an chuah colh ve. An timi cu hibantuk thilsual taktak a tuahtu tleihhremtu pa hi dantatnak pek hrimhrim ding tiah nawl zong an chuah cang. Hi tleihhrem a tongmi nu hngakchia pahnih min hi langhter asi lo.

Be the first to comment

Leave a Reply

Your email address will not be published.


*