KHAMPAT SIZUNG THILCANG APOI KO.RALRING CIO HNA USIH

Apoituk hringhran Khampat sizung ah rianttuanmi pakhat cu tulio zawtnak Coronavirus angei tiah thanhnak an tuah. Hi konghe pehtlaiin Khampat IPRD nih thawngthanh nak an tuah mi cu Khampat sizung ah rianttuantu Pa pakhat kum 27 asimi cu Covid zawtnak angei tiah an chim. Khampat Township hi covid lei ahcun a him ngaingai nak hmun le hma asi.

Sihmanhsehlaw tutan ah zawtnak angeimi an vun um tikah i ralring ngaingai ahau cang. Zawtnak hi khoika hmun le hma in dah minung cungah arak tlun i, zawtnak hi zeitindah kan i runven lai timi tampi lak ah a biapi bik mi pakhat cu Hmaihuh mask hi asi. Mask hi khoika kan kalumnak paoh ah philhlo tein i vuah or tuah peng dingmi asi.

Tutan ah zawtnak angeimi pa hi Sizung ah rian attuanmi asi i, sizung a thianhlimh mi asi. Cun amah hi zan ah attuan tawnmi asi. Azawtnak konghe pehtlaiin an chimchih mi cu ahramthok ahcun cumpit, hnapchuah le taksa nuam lo ngaiin a um ti asi. Cu hnu ah covid checknak an vun tuah tikah cun zawtnak angei timi an theih. Khampat Sizung ah quarantine chiah asi.

Attuan pi hawi amah he neihniam tein a ummi hna zong sizung i, rianttuantu hna umnak inn tlar ah quanrantine an tuah hna. Culawng siloin tutan ah zawtnak an hmuhchuahmi an chungkhar hna zong Kanan C Group School Quarantine centre ah an chiah ve hna tiah an langhter. Cun Tutan ah zawtnak angeimi hi Kanan khuami asi tiah an chim chih. Ralring tein umcio hna usih. Credit. IPRD Khampat

Relchih:Tuluk ram ah rianttuan dingin akalmi Salai Cung Bik cu a chungkhar hna nih a thawngpang an theih tilonak hi kumkhat renglo asi cang. Cun a umnak zong an theih lo pin ah a thih le a nun zong an thei kho tilo. Cucaah Tuluk ram ah a ummi Chinmi hna nih aumnak le asining nan theih asi ahcun thawngthanhnak rak tuah cio dingin chungkhar nih nawlnak an tuah.

Salai Cung Bik hi kum 27 asi i, Kalay peng Hantharwaddy ah a ummi an si. Kum 2016 ah Tuluk ram ah rianttuan dingin akalmi asi. Tuluk ram aphak hnu zongah chungkhar nule he an thawngpang ai theipeng i, a nu le pa zong thawngpang a thanh lengmang hna Asinain nikum kum 2019 thok cun chungkhar hna nih pehtlaihnak an tuah kho ti lo.

Tuan an rak i chawnh tawnnak aphone zongin pehtlaihnak an tuah khawh tilo pin ah amah Salai Cung Bik zong nih thawngpang athanh ti hna lo caah chungkhar an lungre athei ngaingai. Zeitindah a um ning asi hnga tibantuk zong thawngpang an thei kho ti lo. Tuluk ram a ummi Chinmi vialte hna zong nih bawmcio hna usih. Thawngpang a theimi hna nih a upa Phone +60183583671 ah thawngthanhnak rak tuah cio usih.Salai Cung Bik cu Pu Khen Tling le Pi Man Ki hna i an fapa asi. A upa hi Biak Hnin a si i, atuhi Malaysia ah a ummi asi.

Be the first to comment

Leave a Reply

Your email address will not be published.


*