KHAH RALRIN PEKNAK BIA A CHIM KO CANG HIH, A MAK LAWLAW

Joshua Hlawnmual: Warning For Liberals, Far Left Pawl Ralrin Peknak. Zumtu pawlih duhmi USA president le cozah rak duhlotu le huatu pawlih hmakhua cu a va pit so! Pathian zumlotu communist pawl an duh sawn!Burma ramih mi tampi farahnak khurpi sungih in rak ciah rero dahtu socialism an duh sawn dawn.

Leitlunih Zumtu pawlin Trump hrangah nasaten thlacam ih an um rero lai ah Pathian ṭihzahnak fate hman neilo le ram siahsuah duhih Tuluk cozah thawi a phunphunih fihnungza thil tawlreltu pawl rak ṭan ih duh ve ciamco pawl hi a mak ti ding hmanin a daih nawn lo! An hrangah nasate ih thlacampi an ṭul.

Culailakah pastor ṭuan lakah tla liberal ih zum riailo pawl tiangin a thupten an rak zepaw tel ve hmuh tikah ṭahhah a suak sinsin.Biden le fapa Hunter khal tu ah FBI pawlin China hnen ihsin paisa a million tel a lakluh dan thu an zingzawi rero lai. A unau pa le a daddy Biden khal an rak hnawihnih aw ti hmuhsuah asi vivo. Democratic party le mainstream media ( Fakenews CNN tvkp.) pawl ṭangtlangih an cangvaihnak hi kan Pathian in a zoh men ziklo.

German le Spain lamih America hrilawknak vote siar mi le hna ṭuan cawlhhnu le mi um nawnlo laiih vote rukmi le dominion software hmangih a million tel pu Trump ih vote cu Biden lamih ngahmi vekih an ṭhawn mi pawl( ruktu) supporttu farasi zumtu deu pawlih hma khua cu a pit taktak a si. Credit: Joshua Hlawnmual.

Thimnak Kong Thawngpang: Biden Buancomi a Khupthal Lehpiah dingin Texas nih Tazacuainak a Tuahmi cu US Supreme Court nih a Hnonpiak. President-election Biden buancomi a khupthal lehter dingin Texas nih tazacuainak a tuahmi cu Friday ah khan US Supreme Court nih a hnonpiak. Cu ti hnonpiak than an si mi cu electoral vote sungh hnu i caan saupi chung tazacuainak a tuahtu Trump le a minung pawl caah cun zatlaak nak faak taktak khi a si.Tutan SC nih biachahnak a tuahmi hi Trump le tutan tazacuainak a tuahtu GOP state attorney general 18 le House Representatives 126 caah fahnak ngan taktak bantuk a si. Biden nih electoral vote 306 a hmuhnak swing states a si mi Wisconsin, Michigan, Georgia le Pennsylvania ah Biden buancomi hrawhpiak duh ah tazacuainak an tuah hi a si.Friday ah khan nawlnak (tazacuainak) an tuahmi cu an hnonpiak hna.

Amahbelte minthut tein order an chuahmi cu a si rih lo. Asinain, state dang hna nih anmah le an elections an tawlrel ning kongkau ah Texas nih nawl a ngeih khawh hna lo zia, SC nih a hmuhning a langhter.State dang pakhat nih amah le a election te a tawlrelmi kongah Texas nih amah lei kheel in a duhnak a langhtermi hi phung he ai remmi a langhter kho lo. A dang ceihrih lo in chiah rih mi biasu pawl zong hi i remlo nak a chuahtertu thil a si, tiin hnonpiak an si chih,” tiin biachahnak nih a langhter.State pakhat le pakhat karlah ah bia a ummi a um (interstate dispute) cucu SC nih ngaihpiaknak (hearing) a tuah ding hi a rian bak a si, tiin kannih nih kan hmuhning a si ve, tiah Justices Clarence Thomas le Samuel Alito nih an hmuhning an chim ve. Biaceibawi lei in lungtlinpi lo nak cu a um ko. Asinain, hi biaceihbawi 2 hna hi anmah conservative bawiceihbawi an si.

A donghnak ah cun Texas ralchanh in biathlatu a dang biaceihzung members 7 tu an dirpi than hna, tiah theih a si.Keimah ka hmuh ve ning te ah cun, kan i ngeih cia mi phunghrampi chungah ai khumh kho mi capaar in an chuahpi mi tazacuainak hi hranhramlo in kanhmah nih hnonpiaknak nawl kan i ngeih lo, tiah ka ruah. Cucaah, kei ka duh ning ah cun, tazacuainak capar hi tin ko hna seh, asinain a dang khamh (sunghnak chungin luatter) hei ti bantuk tu khi cu pek ding an si hnga lo.Cun a dang biasu kongkau ah ka ruahnak langhter ka langhter lem lo,” tiin Alito nih a tial. Cu a tialmi cu Thomas zong nih a zawn ve.Biden nih vote 81,000 in Trump a hleihnak Pennsylvania ah state chungum Trump a tanhtu Republican pawl nih nanhmeh cang mi Biden buancomi hrawhpiak dingin tazacuainak an tuah. Cu kong cu tutan zarh thokka tein khan luri lakin an buaipi hnu ah a tu bantukin biaceihbawi pawl nih order (nawl) an chuah hi a si.

Tutan election ah vote a tomtom in an fir. Cucaah cun, election results hi dotla a si lo, ti rumro cun Trump le a mithi lalaang pawl nih lihfangfaak in caan saupi chung an aukhuang. PA ah le SC ah tazacuainak an tuahmi hna hi, cu vialte i cawlcangh sek len bu i a nehhnungbik an sunghnak a langhtertu an si.Trump nih election hnu i tazacuainak a tuahmi vialte vaampang (wall) chonkanh a si cuahmah ko cang. Tutan zarh i SC nih hnung an chiittaak cang mi le, Biden buancomi a tlaangkawmpiak dingin Dec. 14 i Electoral College tonnak an tuah te tik ko ah khin sunghlei lawng a panh cuahmah cangmi a tazacuainak strategy hi a thih bak in a thi lawlaw cang lai. Georgia, Michigan, Pennsylvania le Wisconsin hna nih hin virus ruangah an state chung votepek ning system hi an thlen riangmang i mail-in ballots thlaknak lam kaupi in an onpiak hna. Cucaah an aiawhtu electors pawl hi vote thla senh ding an si lo, tin tutan zarh thokka ah khan Texas nih tazacuainak a tuah. Cun, hi state 4 hna hi Biden i a electors pawl namhnehter rih lo i, Monday i Electoral College tonnak ah vote thlakter hna rih lo dingin SC ah nawlnak an tuah.

Cu rualrual in cun, hi state 4 i Biden buancomi zong hi dotla lo ah chiahpiak i, GOP nih an ukmi state legislatures pawl nih Trump maw, asiloah Biden dah buancomi a si, ti hi vun thanh hna seh, tiin nawlnak an tuah chap rih.
Texas nih luantuk in nawlnak a tuahmi hi biaceihzung nih a hnonpiak te ko lai, tiah election law experts pawl lakin minung tamdeuh nih an zumh.Election results cohlan lo dingin Texas nih tazacuainak a tuahmi nih hin ninghngaltuk lehpek in kan law kalhmang a serhsat a si,” tiin PA attorney general nih Thursday biachimnak ah faak taktak in lehnak a tuah.

Hi bantuk serhsatnak hi ahohmanh nih an nolh nakhnga lo piangraangtein biakaa thlah u law a tha,” tiin biaceihbawi pawl cu thazaang a pek hna.Election Day hnu in khan, vote a tomtom in fir a um, tiin le, kan election a dikfelnak sawksaam duh in ram pumpi cuul in State le Federal courts kipah tazacuainak cu tilian bangin an kalpi. A chachap lo ah a tu ah lihfangfaak bakin Texas a vun aukhuang ve hoi rih,” tiin Attorney General Josh Shapiro (D) nih a tial.State le federal courts i Trump campaign le a minung pawl an tazacuaimi an sungh hi voi 50 lengkai a si cang. Case pakhat te lawngah an hlawh a tling. Cucu PA ah mail ballots tlawmte i hmuhchap khawhnak ah a cang ve.
Lower courts pawl i kan sunghmi tham hi cu Supreme Court i phaak khawhnak dingah kaudeuh in timhlamhnak a kan ngeihter kho tu dawh a si lehlam ko cuh, tiin Friday hlan chung paoh kha cu Trump a legal team pawl nih an sunghmi vialte cu tinbawisii an thuh hna.Friday biachahmi he pethlaiin comment an hal nain White House nih a pe let hna lo. Credit: Chelsea Bawi

Be the first to comment

Leave a Reply

Your email address will not be published.


*