KHAH CNA CAAH TIMHCIA IN NAN UM CANG MAW?

CNF/CNA bawmh Dingin Ready nan si cang maw? Chin miphun vialte hna kan Chinram damnak le luatnak ding caah CNA bawmh dingin timhcia na si cang maw? Kum 70 tluk Kawlralkap nih aa kan uk cang i, vawlei cungah sifak bikmi ram ah kan i chuah cang. Kannih Tlaangcung miphun hna cu a hlei in kawlralkap nih rialdipmi kan si. Kan covo vialte zong aa kan chuh dih cang.

Atuhi kanram buai asi. Kawlram pumpi in kan buai lio asi. Kawlralkap nih uknak an lak lio caan asi i, kawlralkap nih mipi kahnak order an ngah cang. Tlangcung miphun hna a tu in kan lungrual ahau cang. Biatak tein kan ttuan caan a hau cang. Kawlralkap hi zeitik hmanh ah zumh awk an tlak ti lo. Kan ram ah buainak a tlung colh lai. Tlangcung miphun hriamtlai le kawlralkap karlak ah kahnak a zualhma lai.

CNA le Kawlralkap zong an i kap te lai. Nai hrawnghrang thawngpang a chia ngaingai cang. CNA zong kawlralkap kah ding in timhcia an si cang. Nangmah tah kan Chin Ralkap CNA bawmh dingin timhcia na si cang maw? Ramchung ah a ummi mino hna kan miphun le kan ram caah meithal tlaih in raldoh dingah timhcia na si cang maw? Ramleng um kan chin miphun hna tah, CNA caah phaisa zeizatdah thawh dingin timhcia na si cang?

CNA le Kawlralkap an i kah taktak ko ahcun Mizoram ah kan miphun tampi an zam lai. Zohkhanh le kilkawi an hau cang lai. Kan ralkap caah meithal le kuanzen cawk a hau lai. Cutikah atu hin timhcia na si cang maw? Timhcia na si ahcun comment ah timhcia bak ka si tiah rak langhter. Tlangcung miphun hriamtlai vialte hna i fonh in Kawlralkap hi thuat an timh cang hna.

Atu hi tlangcung mi kan caah cun caan ttha taktak asi. Fawitein kawlralkap an lung kan dong kho. Kanmah tein uknak kan hmuh khawhnak ding ahcun biatak tein kan thaazaang chuahcio hna usih. Vawlei cung ramkip ah a ummi Chin miphun vialte hna timhcia nan si cang maw? Kan ram le kan miphun caah. Note: Mah cabia hi cafang tlawmpal kan remhmi a um i, cu chungah aruahzia rak kan thiam hram uh. Credit: TCS

Mino Hna Țih Hlah Uh: Col. Solomon Thang Ding. CNA ralbawi Colonel Solomon Thang Ding nih 2021 February 10 chun ah “Mino hna Arfi bantuk in kan in zohmi mino hna. Atu lio te hi nan caanțha a si. Țih hlah uh. A caan pek lio te ah ralțha uh. Cu lo ahcun a zungzal in a ralchia mi na si sual lai. (Chin National Army) kan um dih ko phang hlah uh” tiah a facebook ah a țial.

Atu hiti bantukin CNA Ralbawi Solomon Thangding nih a țialmi cu Ralkap uknak duh loin duhphorhnak a tuahmi mizapi thazaang a pekmi hna a si tiah theih a si. 2021 February 1 thawk in Myanmar ram cu ralkap nih hramhram in uknak a laak caah ramkip, hmunkip le khuakip in mizapi nih ralkap uknak kan duh lo tiah duhlonak an langhter cio. Credit: Rawn Chin Post.

Be the first to comment

Leave a Reply

Your email address will not be published.


*