KAWLRAM MI KAN CAAH CUN BIDEN HI ATTHA BIK KO LAI. ARUANG?

US election cu Ni 4 te lawng aa duh cang. Ahodah a tei lai timi an dirhmun ka von langhter tthan hnik lai. Ka bia sau pah ko sehlaw, keihi vote ngei ning law, Trump ka vote ko lai. Zeicatiah, Conservative ka si. Canada  zong ahhin Conservative peng ka vote ko rih. Asinain a tu ka ttialmi hi dirpinak lei catial siloin, an dirhmun cuaithlainak te sawh ka von thai.

US President thimnak ahhin kan zoh ciomi cu “Swing states” hi an si. The Guardian nih atu minutes tlawmpal ah an update ning ahcun “Swing State” a simi Florida ah Bidden nih 1.9 in a tei rih. Pennsylvania ah 5.7 bak in a tei. Machigan, Arizona, North Carolina tbk ah Bidden nih a tei viar i Ohio lawng ah 0.8 in Trump nih a tei.

Atu an dirhmun tein a kal ko ahcun Bidden nih landslide in a tei lai tinak a si. Nain poll cu 2016 zong ah aa palh caah 2020 zong ah aa palh kho rih. Tutan ah Trump a tlaknak bik cu, Pandemic a handle ning cung ahhin a si ko. Thal mei kangh in Vawleipi a kang viartu “Coronavirus’ control nak ahhin Global Leadership a la kho lo. Amah zong aa veng kho lo tiah sual an puh hi a fak tuk.

Trump hi a “Racist” tuk tiah an puhmi cung ah a Racist bak ko timi hi mizapi thinlung ah a ngan chin lengmang. Cucaah, Race issue ahhin fak tuk in a tla rih. Kawlram caah ahodah a ttha deuh lai? Myanmar Ram caahcun Bidden hi tling sehlaw a ttha bak lai tiah ka hmuh. Pi Suh he nainiam deuh in rian an ttuan kho lai. Catialtu. Zasang Cinzah

Pu Paul C. Tha biachimmi: semkaa in Kan miphun chung ah, arak um voikhat nak asi ko lo maw? ti tiang, aka ruah ter. 1970s hrawngin Chin University student pawl nih Salai le Mai hmangin Miphun lungrualnak an rak thawk. An hlawh tling taktak. Atu tiang Salai le Mai cu Chin mi hmelchunhnak (Identity) pakhat ah acang thai. Abiapi ngai tiah ruah cio mi Tlangholh (common language) belte atu tiang iceih-mai kan har rih.

Cu nakin abiapi deuh mi cu kan Miphun pi Min asi. Vawlei cungpi le Kawl nih cun, Chin tiah kan Miphun min an bunh (arak kan-auh) nak a hlaan tuk cang. Asisnan, kanmah chungah mindang cio in I auh, kan rak I uar tuk hna. Chin mi chungah Chin kan si tiah hnatlaknak (Ca ttial in) kan ngeih kho mi cu 2004 kum, Camp Victoria ah tuahmi Camp Victoria Agreement kha asi lai dah.

Ramchung ramleng I rak dirhmi Chin National Party (pa 4), cun Chin Social Orgns. hna nih, ‘Kannih cu chuaktti unau khat (Lai hri tlai khat) Chin miphun kan si tiah Biathluk nak rak tuah asi. Kum kul dengmang asi ve cang I, atu-ah cun, kan Miphun zate huap Min ah Chin timi kan hman ngai ngai cang hna. Lunglawmh awk ngai asi. Holh le min hrawnghrangah abuai rih mi kan si I, Miphun pi pakhat bang vun cawlcangh cawlh aa rem lonak atampi rih.

Chinmi hi, Miphun covo, Miphun dawtnak le Miphun Lungrualnak timi a chim, arel, a ttial cemmi kan si velai dah. Kan ttial kan chimh lo ah, Kan herh bikmi pawl an si fawm tu ca! A-ttial le a-chim ahcun, kan thiam ngai cang hna. Asinan, kan miphun muisam leh cawlcanghnak ah anung taktak kho rih lo ticu zaapi hmuh asi. Cuti kan si ko lio ah Tthangthar Chin Mino hna nih Chin Ram caah Chin Miphun tiah, au-aw le hlado phunphun he, ramchung peng kip le Ram leng tiangin an-au aw le an cawlcaang nak cu nifitin hmuh leh theih khawh in aum.

Mi minthang, mi langsar le mi liangan tampi hna bawmh lei silo-in, heh…tiah an doh. Ramrian ttuantu pawl zawng an iphet nawn. An doh deuhdeuh, Adohtu pawl an hmual apho deuhdeuh ti cu zaapi theih asi. (Politically Ramrian celh, phung le ning in kan Miphun kan ttanh ruangah, kan sungh dingmi a um lo. Kan Miphun covo tu kan ngah deuh lai. Kanmah thazaang lawng nih azat lo ahcun, hawi isawm hmanh kan hau.

Kan Miphun nih kan duhmi vialte zaa-pi theih in aupi ding asi. Athli te-in ipek chanh khawhmi thil an si lo). Chinram caah Chin Miphun” tiah adirmi pawl, An au-aw vun ngaih ah, Election I, teinak hmuh ding tiang ca men lawng a si lo. Miphun Covo la usih ti asi. Chin mipi Vote hi Chinram caah, kan i zaa-khim tuk, Midang vote kan herh lo” an ti. Adik ngamsam. Teinak cu kanmah kut ah a um taktak. Kan lak lai maw, Lak lai lo? Kanmah nawl asi. Kaa lawm.

Credit: Paul C. Tha

Be the first to comment

Leave a Reply

Your email address will not be published.


*