KAWLRAM KONGAH TULUK ZONG A THINTUR AFAK TUK CANG

Kawlram buainak kongah Tuluk zong a thinphang cang. EU chungtel ramkip nih ramdang vuanci pawl hna cu nizan February ni 22 ah Basel khuapi ah ton biaruahnak meeting an tuah hna i, Kawlram konghe pehtlaiin biatak tein ceihkhannak an tuah hna. Tulio kawlram thilcang kongah Germany in ramdang vuanci asimi nih atimi or a chimmi cu a tanglei bantuk in hin a si.

Tulio Kawlram ah acang cuahmah mi thil hna hi, kutsih tein kan zoh kho hna lo. Cucaah cun Kawlram thatnak lei apanh khawhnak dingah tan-ta-man nilan paohpoah kan hmang cang lai. Hi thil kan tuah i, atlamtling lo asi ahcun ralkap lutlai hna cungah dantatnak siseh khamnak aphunphun in kan tuah lai tiah ramdang vuanci nih cun a langhter chih.

Culawng siloin kawlralkap nih hriamnam hmangin mipi kahthahnak an hmanmi konghe pehtlaiin thawnglatu hna nih biahalnak an tuahmi ah Tuluk ramdang vuanci nih a chim vemi cu, Kawlram hi Tuluk ram tthen pakhat asi. Atulio Kawlram ah hibantuk thil a canmi hi cu Tuluk rampi caah cun thinphang ngaingai asi ko tiah a chim.

Rampi remdaihnak le a tthancho khawhnak dingah tuanvo ngeitu vialte hna nih thatein kan tuah lai. Phunghram bantukin aikhat lo mi vialte kha rem tein kan tuah ahau. Naingnganzi, luhmuhzi le sipuaizi zong thatein akal khawhnak dingah kan i ruahchanmi asi ko tiah a chim. Tulio kawlram buainak cu vawlei cungpi nih biatak tein a cuanh cuahmah lio asi.

Salai Bawi Lian Mang: immensely grateful to Senator Dean Smith and Prime Minister Scott Morrison.Thank you Senator Dean Smith for personally delivering and discussing a letter I wrote to Prime Minister Scott Morrison on behalf of Chin Human Rights Organization (CHRO) along with letters from Australia Chin Federation(ACF) and Chin Christian Council of Australia CCCA).

Kan hawi ttha Senator Dean Smith nih amah pumpak in Prime Minister Scott Morrison sin ah CHRO, CCCA, ACF nih cakuat kan ttial mi cu a vapek, a va ceih pi caah kan ilawm ngaingai. Parliament ah kan chuahpi lai tiah an ti caah kan tha a tho. Australia Chin mipi le ACF, CCCA hruaitu hna cung zong ah ka lawm ngaingai.

Atu bantuk in nan umnak ram cozah lutlai tiang ttha te in kan miphun caah ttang kho ding tiang in hawi kom ttha ah nan serh khawh mi hna hi Pathian thluachuah asi. Nan i zuam nak le miphun nan dawt, nan ttanh nak Pathian nih thlua chuah hram seh.2018 December ah CHRO, ACF le CCCA nih Prime Minister Morrison hi Canberra a office ah kan rak ton bal. Credit: Salai Bawi Lian Mang

 

Be the first to comment

Leave a Reply

Your email address will not be published.


*