KAWLRAM KONG AN CEIH BAK IN BIAFIANG A CHUAK LAI ATI CANG

Tuni ASEAN hruaitu hna ceikhannak konghe pehtlaiin Thailand Officer pakhat nih fiangtein a chim cang. Thailand officer pakhat nih a chimmi cu tuni i, ASEAN ram hruaitu hna topumhnak an tuah tikah kawlram konghe pehtlaiin biachahnak an tuahmi hawih in ASEAN ram an lung aa rual le rual lo cu theih khawh asi lai. Culawng siloin zumh tlak an si maw silo timi zong theih asi lai tiah a chim.

Asean summit on Myanmar set for April 24 - DTNext.in

Ralhrang kawlralkap hna nih February nikhat thok in hramhram in uknak an lak hnu ah mipi an thah mi hna hi minung 739 an si cang. Culawng siloin ralkap uknak duhlonak atuahmi mipi vialte hna zong hruhru hranghrang in hriamnam he an tthawldawi rih hna i, biatak tein hriamnam an hman, Hi konghe pehtlaiin UN palai Tom Andrewn nih atanglei bangin alanghter.

Kawlralkap hna nih uknak an lak hnu, kawlram buainak a chuah hnu February nikhat thok in a tutiang ah kawlram mipi ralzam dirhmun in a tlizam mi, kawlram a chuahtak mi hna hi minung tinghnih le thongsawmnga 250000 an si cang tiah UN Palai Tom Andrews nih alanghter. Tuni ASEAN meeting ah zeitindah biachahnak an tuah te lai timi hi mikip nih cuanh dih asi.

May be an image of one or more people, people standing, aeroplane and text that says "KINGD PH"

Relchih: UN ceikhanmi cu lungrawk ngai si hoi ko.Kawlram kongkau an ceihkhan cuahmah liopi asi. UN General Assembly topumhnak ah Kawlram kongkau cu biatak tein ceihkhan cuahmah asi. Hi konghe pehtlaiin UN General Assembly nih kawlram kongah thiltuah an timhmi cu athar siloin a liamcia in an chimceih lengmang mi le ramkip hna nih an ti lengmang mi tthiamthiam kha tuah an timh ti a si tthan.

Kawlram buainak konghe pehtlaiin UN General Assembly topumhnak ah tuah an timhmi cu Ralhrang kawlralkap hruaitu lutlai hna cu Democracy dirh a si khawhnnak ding ah siseh, an tleihmi minung thlah colh dingin timi kong an i ruah cuahmah tiah thawngzamhnak nih a langhter. Theih cio bangin UN nih hin hmur le ka thiamthiam in kawlram kong cu tuan atimh rih.

Kawlralkap nih hramhram in uknak an lak hnu ah Kawlram mipi hna nih biatak tein UN cungah ruahchannak nganpi an ngei. Asinain hmur le ka lawngin kawlralkap pawl nawlnak lawng aw-an an chuah tikah siseh, ataktak in zeihmanh cawlcanghnak an tuah lo tikah kawlram mipi hna nih UN cungah ruahchannak an ngeihmi cu attum chuk chin lengmang cang ti asi. Hi konghe pehtlaiin tuni ah ASEAN meeting an tuah lai i, kawlram kong zong ceihkhan a si lai.

Be the first to comment

Leave a Reply

Your email address will not be published.


*