KAWLRAM BUAINAK RUANGAH CHAMPHAI LUTLAI NIH A MIPI RALRINNAK APEK CANG

Kan unau Mizoram, Champhai nih ralrinnak order an chuah cang. A mipi vialte hna zong ralrinnak a pek cang hna. Chinram he neihte in a ummi Mizoram Champhai nawlngeitu nih a ram mipi vialte hna ralrinnak atuah cang hna. Atu bantukin ralrinnak atuahnak aruang cu tulio kawlram buainak ruangah thil a cangmi ralzam kong ah deuh ah amipi ralrinnak apek nak hi asi.

Tulio kawlram buainak ruangah ramchung ah a um ngamlomi Mizoram ah zam aa timmi hna nih hi konghi theih aharh ngaingai ko tiah kan ruah caah kan vun langhter mi a si. Acunglei ah chimcia bangin kawlram buainak ruangah atu bantuk in Mizoram Champhai nawlngeitu nih nawl a mipi sin ah a chuahmi asi i, nawl a chuahmi cu atanglei bangin a si.

Order: Nai hrawnghrang ah kan ram innpa, Kawlram buainak ruangah ralzam le Sungthoh hna zong a lut khomi an si caah ramri hngak dingah cunglei cozah nih Assam Rifles a chiahmi hna nawl a pek bangin khualtlawng mi hna an i citnak Sumo hna cu biatak tein check nak an tuah hna i, Kan muisam le holh zong khawchak (Chinmi) kan unau hna he aa khah ruangah buainak kan ton lonak dingah Voter ID maw asiloah Aadhaar Card, Aizawl tlawng aa timmi hna nih i ken dih dingin kan in nawl hna in theihternak kan in tuah hna tiah an langhter.

No photo description available.

Mizo ca in order an chuahmi asi i, a cunglei kan langhtermi hmanthlak hi a si. Hmanthlak in cabia rel aa harh mi caah an mah ttialning tein kan vun langhter. Order. Tun hnaiah kan ram thenawm, Myanmar buainak avanggin raltlan le spy te pawh lo tuk thei reng an nih avangin Border veng tura Sawrkar laipuiin Assam Rifles a dah te thupek a pek angin zin thin te chuanna Sumo te check uluk em em an si ni a. Kan hmel leh tawngte khawchhak unaute nen a inan vangin buaina kan tawh loh nan Voter ID emaw Aadhaar Card emaw Aizawl zin tumte chuan keng theuh turin kan ngenin kan hriattir a che u.

Relchih: Hakha Mipi Uktu Buu nih Hakha University Sayagyi Dr. Lian Za Khup cu ralrinnak an pek cang. Tutan ah Hakha University sayagyi Dr. Lian Za Khup Hakha mipi uktu buu nih ralrinnak an peknak a ruang bik cu Hakha University hmun ah kawlralkap um hmun khuarnak nawl apek hna caah asi. Kan theih cio bangin Hakha University ah Kawlralkap hna cu nizan tihni in umhmun an khuar.

Hakha University hmunchung ah kawlralkap umhmun an khuar hi nizan tihni March Ni 7 zanlei suimilam pahnih hrawng ah khan a si. Ralkap umhmun an khuarnak konghe pehtlaiin Hakha University rianttuantu pakhat nih a chimmi cu kei cu zeihmanh ka thei lo. Sianginn uktu upa hna he an i chawn bia i asi lai tiah a chim lawng siloin tulio meikangh a umpah caah security caah an rat mi asi lai tiah a chimchih.

Hakha University ah ralkap nih umhmun an khuarnak konghe pehtlaiin Kawlralkap cozah nih Chinram uktu dingah an thimmi Pu Ngun San Aung zong nih zeihmanh hi konghi ka thei lo. Keimah sin ah zeihmanh thanhnak an ka tuahmi zong a um lo, Security caah an kalmi a si ko lai tiah a rak chim cang. Hi konghe pehtlaiin nizan tihni ah khan Hakha University sianginn uk Dr. Lian Za Khup nih ka thei ve lo ramkulh lei nih an tawlrelmi asi lai tiah a rak chim.

Asinain tuchun ah Hakha University Sianginn uktu Dr. Lian Za Khup cu Hakha mipi uktu buu nih ralrinnak an pek cang. Hakha mipi sermi uknak lei bu nih tuchun ah Dr Lian Za Khup cu ralrinnak an pek. Thaizing march ni 10 tiangah Hakha University in ralkap pawl an chuah lo asi ahcun Hakha University ah ralkap umhmun khuar dingin nawl a onh tu Dr Lian Za Khup le ralkap hna ralchanh in Hakha mipi nih a herh ning in kan tawrel lai tiah cathanh ralrin peknak an chuah.

Be the first to comment

Leave a Reply

Your email address will not be published.


*