KAWLRALKAP RUAK A PON BAK IN AI PONG KO, TAMTUK AN THI

SAC ralkap le BGF anmah le anmah an i kap, 23 renglo an thi. August 19 lio, KNU Brigade No.5 hmunhma ah KNDO he aa kap mi SAC ralkap le anmah leitang BGF cu anmah le anmah tu an i kap i 23 renglo an thi tiah KNDO nih an thanh.August 19 zaan ah an bawi pakhat tel in minung 23 hrawng an thi. SAC ralkap le anmah leitang BGF an i kapsual i ruak cu aa pong ko, tiah KNDO ralkap pakhat nih a chim. August 14 in 17 kar kahdohnak lio zong ah SAC ralkap 8 an rak thi bal, tiah Khit Thit Media nih a langhter.

May be an image of footwear

Relchih: Raltuk training kai mi Taangkua siangakchia raifanh zawtnak in a nunnak a liam. Meiktila Peng BEHS No.1 ah taangkua a cawng lio mi Ko Rain Moe Htoo cu August 19, raltuk a cawnnak hmun ah raifanh zawtnak in a nunnak a liam. A kumkhua cu a ngakchia rih nain thil thalo do ngam in thildik a tanh mi a si i hi lamzawh ding aa thim mi hi a har ko.

Nain rampi that nakding ah hi lam hi aa thim mi a si, tiah Meiktila Siangakchia Bu in pakhat nih a chim. A luancia June 23 lio zong ah SAC phu nih phungrelnak caang 505 (a) in tazacuai i tlaih ding nawlchuah mi Idiots guitar phu hlasakthiam Raymond (Rain Meo) a nunnak a rak liam ve, tiah The Irrawaddy nih a langhter. THT

Cabiadang. Falam Pathian riantuantu hna nih ralhrang pawl theihternak an tuah cang hna. Tulio dirhmun kawlram buainak ah mipi hna cu harsatnak dirhmun in luat hram hna seh tiah thla kan cam hmasa. Falam peng Taal khua pawngah raltukdohnak a chuak i, kap hnih in atuarmi nan um ti kan theih. Ram buainak cu ram buainak bangin kalpi ding asinain asi khawh lo caah kahdohnak a chuahnak zong hi a si tiah kan hmuh.

Kahdohnak a linhsat ruangah August zarhnihnak ah ralkap hna cu Taal khua ah um hmun nan khuar i, mipi hna cu khuachung ah um ngam loin an zam. Taal khua nan um chungah zumtu hna nih biapi ah kan chiahmi le hmunthiang Biakinn chungah nan duhning paoh in nan um. Nan ei nan ding, thianhlimhta loin nan hmawmhtamh dih pin ah Bible le thangthatnak hla cauk zong nan hlawnh mi hna hi cu kan in mawhchiattuk hna.

Cu nan hnawmhtamhmi Biakinn thiang cu kan thianh ahau. Biakinn Thiang hnawmhtamhter Biakinn cu ral hmunhma ah nan hman mi hi ram buainak nakin buainak thuk deuh a chuahter khotu asi. Cucaah Biakinn thiang le Biaknak thilri pawl tiabantuk hna ah hin um hmun khuarnak le raldohnak hmun ah hmang ti hlah uh tiah theihternak an tuah hna.

Be the first to comment

Leave a Reply

Your email address will not be published.


*