KAWLRALKAP NIH UN BIALEHNAK AN TUAHMI CU LUNGRAWK SI KO

Kawlralkap nih UN bia an lehnak cu khuaruahhar asi ko cang. Ralkap cozah nih an timi cu phihkarnak or dantatnak cu kan tuar khawh tuk, hawittha ram tlawmpal he kan kal peng ko lai tiah fiang ko lehnak an tuah hna. Hi konghe pehtlaiin Nizan ah khan UN Special envoy to Myanmar Ms, Schraner Burgener nih Virtual press conference ah bia a chim.

Cu ah a chimmi cu ralkap nih nawlngeihnak cozah an lak i, ralkap cozah lutlai bik a vun chang a simi Deputy commander in chief, Vice Senior General Soe Win he phone in chawnh or biaruahnak kan ngei. Cu i chawnh biaknak ah a timi cu nawlngeihnak nan lak ruangah hin ramdang dang hna phihkharnak nan tong kho mi asi tiah kawlram cozah cu a hrocer hna.

Hi bia hrocernak konghe pehtlaiin kawlralkap cozah nih lehnak an tuah mi cu a liamcia caan zongah phihkharnak hna cu kan tuar khawh peng tawn ko. Asinain zeihmanh akan hnursuang lo kan dir kho tuk tiah lehnak an tuahnak kong a chim. Culawng siloin nawlngeihnak lak ruangah hin ram dangdang hna nih an zawmhteih khawh hna tiah ralrinnak zong apek chih hna.

Hi ralrinnak konghe pehtlaiin kawlralkap cozah nih lehnak an tuah tthan mi cu hawikom ttha tlawmpal he kan kal peng ningcang cu kan cawn ko lai tiah Vice senior General Soe Win nih lehnak a tuah. Kawlralkap cozah lutlai he aa chawnmi Ms. Schraner Burgener nih hin kawlram a deih khawhnak dingah Tuluk le Russia hi abiapi ngai mi an si.

Anmah pahnih nih hin tutan thilcang kong hi theihthiam in rak kan ttuanpi hna seh tihi ka saduhthah or ruahchannak ka ngei tiah a chim. Tuchun kawlram thawngpang a chuakmi cu ka khuaruah ahar ko tiah a chim chih. Ralkap nih nawlngeihnak an lak hnu ah thisen a chuak tambik ni le caan asi i, minung sawmthum le pariat nak tlawmlo an nunnak aliam.

Nawlngeihnak in tutiang ah hin minung thongkhat le zahnih renglo an telih cang hna. An tleih mi hna zong an chungkhar hna nih khoika dah an um i, zeibantuk dirhmun ah dah an phak timi zong an thei hna lo tiah a cunglei upa nih a peh chih. Hi thil a cangmi hi cu ton biaruahnak lawngin atlamtling lai tiah ka ruah i, UN chungtel ram hna nih fak deuh in pressure pe hna uh tiah nawlnak zong a tuah.

Breaking News :Thantlang khualu ah meithal an puah. 2021 March 4 zaan 9:10 PM hrawng ah Thantlang khualu, phungki sianginn chak Ralkap sakhaan in meithal zuun ruk hrawng an puah, tiah kan theih. Atu naite suimilaam pakua le minutes 10 hrawng ah khan kan in chak, Phungki sianginn chak Ralkap a lei in meithal puah thawng kan theih i kan lau ngai.

Zuun ruk hrawng cu a si lai,” tiah Phungki sianginn thlang um mi nu pakhat nih The Hakha Times ah a chim.Hi kong he pehtlai in thawng a theitu nu nih, “Ralkap sakhaan lei in a si ca ah, Ralkap nih khuami lamzawh mi hna kha tih hna seh, ti phun in an kan thihphaihnak si dawh a si,” tiah a chimchap.Thantlang ah hin March 4 zaanlei ah Ralkap motor pakhat in an rak phan tiah Sangmi sin in thawng kan theih. Credit: The Hakha Times.

Be the first to comment

Leave a Reply

Your email address will not be published.


*