KAWLRALKAP CU AN LO KO CANG HIH, FB NIH AN PHUAN DIH CANG

Kawlralkap cu hmaichia in Facebook nih an tuah cang hna. Kawlralkap nih an tuahmi page vialte hna cu facebook nih an phihpiak dih hna cang. Hi konghe pehtlaiin Facebook company nih thanhnak an tuah mi cu kawlralkap nih facebook ah page an tuahmi le an zohkhanhmi page dang vialte hna cu phihkhar piak dih an si tiah thanh nak an tuah cang.

Culawng siloin facebook he pehtlaihnak angeimi pakhat instagram zongin kawlralkap cawlcanghnak hna cu hlohpiak dih an si tiah an langhter chih. Cupin ah Kawlralkap he pehtlaihnak angeimi company hna nih cawngia an tuahmi zong lakpiak dih an si cang tiah an langhter tthan rih. Kawlralkap nih facebook hi an phih i, ramchung mipi harsatnak an tong ngaingai.

Curuangah ramchung mipi tampi hna nih VPN hmangin an hman ti asi. Facebook ahmangtu hi nikum 2020 January tiangah khan Kawlram minung 22.3 million an aum ti asi. Ram mipi zatuak in 40% hi facebook ahmangtu an si tiah Social Media management platform NapoleonCat nih alanghter. Tutan ah fb nih Kawlralkap nih an ngeihmi page vialte hna cu phihkhar dih an si cang tiah Mizzima nih alanghter.

Abiapi ngaimi: 26 days that Min Aung Hlaing and Military thugs kidnap our heads of State along with hundreds of respected leaders. Min Aung Hlaing le kawl ralkap pawl nih hramhram in uknak lak an duh ruang ah Kan ram hruaitu hna le upatmi minung 300 renglo an tlaih hna. Tutan ah hin an tlaih mi hna thlah ding in an hal mi ah Chin miphun nih kan pa pakhat asi mi

Vice President Pu Henry Van Thio min kan hmuh theng lo caah ka lung a thalo. Amah hi kan philh awk hrimhrim asi lo. Ramchung I a cawlcang mi nih Pu Henry Van Thio minchim in nan au khuan a biapi. Ram hruitu lutlai pakhat asi I a chungkhar he an hren hna ti kha kan pilh lo awk asi.Cun, kan khualipi Hakha Rungtlang ah Pu Zo Bawi,

Pu Soe Htet, Pu Lian Luai, Pu Phuai Ar le Laimi nih kan upat mi upa tampi an hren rih hna. An caah tlacam le an min chim dai hlah usih.Pu Win Myint le Pi Aungsan Suu Kyi min kan chim tik ah Pu Henry Van Thio min chimh chih philh hlah u si. Credit: Salai Bawi Lian Mang

Be the first to comment

Leave a Reply

Your email address will not be published.


*