“KAWL RALKAP CU KAP DUH NING LAW NAZI CHEU HMANH A RAU LAI LOH” ( ZAW MIN TUN)

Nihin April 9 hin Kawl ralkap nih uknak an laknak hi rel ahcun thla 2 leng a si cang mi chung ah minung 600 leng an thi cang fawn . Ralkap lei nih thawng an lak mi chung ah Pa minung 237, Nu minung 11 le hma a pu mi minung 401 an si tiah thawng kan theih.

Tatmadaw keeps no-campaign rule in camps | The Myanmar Times

Mipi hi hriamnam ngan in kap taktak hna u sih law nan chimmi minung 500 hi cu nazi țem ah a thi ding ceo an si, Ralkap lei chimphuannak nawl a neitu Zaw Min Tun nih nihin press conference an tuahnak ah a chim. Kan mah lei rapkap zong kan palhnak a um kho men ko.

Kah sualmi zong an um i ralkap pumpak thinlung umtu ninh lei hoih in kah mi zong an um. Cheukhat a zi kan zut ding mi hna zong an um ko, tiah Zaw Min Tun nih a chim chap.Febuary thla ni 1 in April ni 8 tiang ah minung 614 an nunnak a liam cang.Nikhat ah minung 9 tluk an thi tiah thongtla pawl a bawmtu (AAPP) nih thawng an thanh.

RELCHAP DING – Pekhu Ah Minung Pali An Nunnak Aliam :Tuzing ah Pekhu ah mino minung pali an nunnak a liam tthaan, Mah minung pali thih nak hi i kah nak in a thi mian si. Tuzing ah khan Pekhu Myo ah Ralkap pawl cu khuachung ah an rak lut i khuami mino he an i kap i an i kahnak ah hin minung 4 cu an nunnak a liam tiah RFA nih alanghter.

RALKAP AN CAWLCANGH NING HI TTIH ANUNG CHIN THLUAHMAH CANG :Ralkap hi nek awk an tha lo mipi kan i palh sual cun kan hmun cia ah ralkap nih kan ci an kan hmih lai Mipi nih duh poh in ralkap hi kah le doh phun ah kan ruah sual hna cun kanmah tu thihnak khur ah kan tla thluahmah lai.Ram pakhat pi ralkap simi kha mipi hriamnam tha ngei lomi le raltuk cawng lomi nih fawi tein tei awk cu a har ngai. Tei khawh an si lo tinak cu si lo.

Breaking News: Ralkap nih Hakha ah ummi Chin Center for Peace and Reconcilation (CCPR) cu an kulh dih cang – Chin Channel News

Kawlram ralkap hi Asian ram chung hmanh ah ralkap thaazaang a thawngmi le raltuknak hriamnam tling te a ngeimi ve mi an si. Ram pakhat hmanh a tu kho ding an si ve. Cu ralkap cu zeihmanh timhlamhnak ngeih loin kan nam sual hna cun kanmah tu kan fah lai caah ralrin te le fimkhur tein kan doh hna a hau lai.

Ralkap nih timhlamhnak ngei loin zeihmanh an tuah bal lo . Hriamnam ngei lo mipi kah an kan timh zongah tha tein plans an suai.Nai ah ralkap nih heh tiah Hakha Thar 6 lansung ah mirang vawlei an thlet i dornak le raltuknak an i ser. Nizan ah zeidah cang ti cun Kalay in Hakha lei kaimi motor an kham dih ko.

Breaking_News Vawihninh Tiang Cu an Ti Khawh Nain Vawithumnak Cu An Kir ko - ZODAILYNEWS

Kalay mino pawl an kah hna ning zoh tik zongah daihnak tuah u sih i kaap rih hlah u sih an ti i mino pawl nih a tha a dai ko tiah hnangam te an um lio khuadei lei suimilam 5 hrawng ah an kah hna kha a si.Atu zongah Kalay Tahan cu a tlawmbik hmun 4/5 in Ralkap nih an kulh dih. Hakha zong daithlan awk tha lo. A kenkip lo ah hmun an khuar. ..raldohnak chuak taktak sehlaw kanmah inn ngeitu nih lam le sil i palh a fawite.

 

Ralkap tu nih kan hmun cia ah den kan fawi te.Cucaah tha tein plan nan suai a hau. Ralkap cawlcangh le um ning pawl mino hna nih tha tein nan theih a hau. Teinak duhnak men ah hramhram in nam ding an si lo. Fimnak he nam an hau lai.

Zeithil kan tuah poh ah lungrual lawng za lo fimnak he tuah an hau. Kan doh hna tik zongah namneh awk an tha lai lo.Tei cu kan i ruahchan lai nain kanmah nak raltuk thiam le hriamnam tling ngeimi an si kha theih zungzal ding si. Donghnak. ..ral timi cu zeitik hman ah nek hrimhrim lo ding. Lai phung ah “Thlahpuk hmanh nih mit aat” an ti kha.

Credit: Tlung Ceu Thang

 

Be the first to comment

Leave a Reply

Your email address will not be published.


*