KAWL KUTTANG I BAWI HME TETE LE KAWL SA-UM HRAM A TTHU MI NIH AN KAN DOH

Mangtam in an luat nakhnga Jacob le a fale cu Egypt ram ah an rak pem. Faroh nih siangpahrang rangleng bak in a rak lak hna. Nain Joseph thih hnu Faroh dang an kai hnu cun Israel pawl cu sal an cang. Pathian nih Moses le ARon a thlah hna. Faroh kuttang i tlangpi le bawi hme tete a tuan vemi Israel upa cheukhat nih Moses te cu an rak doh lemlam hna.

Kum 400 fai sal an tan hnu ah Moses nih a chuahpi hna.Lampi ah harnak an ton tikah Egypt ram i sa-um hram thut kha kan ngai an ti. 1947 Feb 12 ah Ram pakhat dirh tti dingin Kawl, Kachin le Shan he min kan rak thut. Cite le Babucawng nan kan zuarh lai kan rak ti hna. Cu vial! Kum 20 a rau manh lo. 1961 ah kan biaknak dolh an kan timh colh.

1966 ah kan ca kan holh dolh an kan timh colh. An kan tlaihhrem, an kan thah, kan miphun covo, kan pumpak covo vialte an kan chuh dih. Miphun sal sinak in chuah a hau ee tiah kan au, Kawl kuttang i bawi hme tete a tuanmi le Kawl Sa-um hram a thu pawl nih an kan doh. Egypt ram i sa um hram ah thut in sal si zungzal maw kan ithim lai Miphun luatnak caah thetse ramcar tan in Canaan ram panh dah? Credit: Salai Ngun San Aung.

CNLD caah adiktuk mi: Chan Sau Na Duh Ahcun CNLD Vote. Chan Tawi Na Duh Ahcun NLD Vote. Politics i ai timh bik mi (ultimate goal) cu kakip in thanchonak a si. Cucaah kan inn tual cio hmanh ah airport hi ngeih cu a tha.Nain thanchonak hi zeilam in dah kan kal pi lai timi hi a bia pi.Ram dang ka chuah tak hnu kum (18) ah a voikhat nak Thantlang ka phan.Zunghmun Baptist Church Krihfa buu le staffs hna he biaruah tawite kan ngei.

Ramdang na chuahnak a sau cang sikaw,zeitluk in dah aa thlen cang,hlan nak cun kan thangcho tuk ko lo maw tiah an ka ti.An mitthlam ah a cuang mi cu lam a tha.Inn tha a tam i a karh tbt kha a si kha ka theihziar.A si ahcun Thantlang ahhin mah tein paw cawm khawhnak a hmun mi rian a ngeimi maw nan tam deuh a ngei lo mi dah?Cucu thanchonak tahfung pakhat a si ka ti.
Hi ruang ah pei US ahkhin rian thar a lut mi cazin (Job report) khi thlakhat ah voikhat an chuah lengmang.

Rian thar a lut mi an tam ahcun an economy a kai ti nak khi a si.Donald Trump nih Mexico border meng rel cawk lo vampang a sak caah economy a kai ti um lo. Lam le ti le mei tbt pawl cu infrastructure ti a si i Union chungtel kan si ve caah Union cozah nih Budget pek kha a rian hrimhrim a si.Thanchonak ti tikah Fim cawnnak lei ah thanchonak,ngandamnak leiah thanchonak, satil zuatnak le lothlawh nak lei thanchonak,economy lei ah thanchonak sector tam tuk an um.

Atu lio ah anih le a nih an i kop lai i chinram cu a thangcho bak ko lai ti phun ruahnak hman lo a ngeimi kan tam ngai.Chin ram thanchonak taktak kong hi pumpak in tuan khawh mi rian a si lo.A biapi bik rian ngeitu cu Chin ram cozah rian a si.Zeitindah an tuan lai?Economy kong a si ahcun kan milu le khuati le fing le tlang,khuaram umnak hmun hoih in policy an tuah hnu ah Chin State Hluttdaw nih dun le dan (legislation) an tuah lai.State Hluttdaw nih a tuah khawh lo mi cu Union Hluttaw ah an va nor lai.

Hi ruangah Amyotha Hluttaw le Pyithu Hluttaw candidate hi thil theimi le biachim kho an si a herh ngai.A tawinak chim ahcun ram cozah nih rian a tuan khawh le khawh lo tahfung cu a tuan chungah mipi caah a thahnem mi dun le dan (legislation) zei zat dah a tuah khawh?A tuahcia legislation cu a hlawhtling maw tling lo (Fail or success) timi kha a si. A si ahcun a luancia kum (5) chungah chinram NLD cozah nih Chin mipi caah dun le dan pa zeizat dah an ser khawh?Politics mit cuanh ningcang a si.

Infrastructure rian cu zei party hmanh tling seh law union cozah sin in hal khawh zat in amah tein a kal ve thiam thiam ding a si. Cun NGO rian zong mipi caah a thathnem ve thiam thiam ko.Nain caan tawite ca,thawchuahnak menmen (Relief) ca lawng a si. Cozah nih dun le dan in ser chuahmi thanchonak cu can saupi a nguhmi kha ai hmuitinh mi a si ti kha kan then thiam a herh lai.

Chinram NLD party cu 2015 President Thein Sein Chan lio i Tlangcung mi covo tete kongah upadi in an sermi chung hmanh in Chinram caah zei dun le dan thar hmanh chim awk tlak an ser chuah khawh lo caah tutan cu CNLD hi vote a tlaknak a ruang pakhat cu a si.Chan tawi maw nai thim lai? Chan sau dah? Chan sau nai thim ahcun CNLD vote. Credit: Salai Tin Maung Win

Be the first to comment

Leave a Reply

Your email address will not be published.


*