KAN KHUALIPI HAKHA CU A ZAMTAK MI AN TAM TUK CANG

Kan Chinram khualipi Hakha cu a zamtakmi an tam tuk caah chun lai zong ah a king tuk, a tangmi khuami hna thinphang ngai lengmang in an um i cheukhat cu chawhvah zong an ngamh tuk ti lo. Hi lio ah Mizoram a phan cangmi kan mino lutlai hna nih thaizing Hakha ah ‘silent strike’ kan tuah than lai an timi cu hlawh a tling ngai lai, hohmanh a leng an chuak ngam lai lo.

Nain, ai chawkvakmi an tlawm chin lai caah a thinphang i khua dang or Mizoram a zammi an tam chinnak tu a si sual hnga maw timi cu ruah awk ngai a si. Zei zei a si zong ah lutlai hna an bia ngaih cu a sual lo, tuzing 12-5pm kar Hakha khuami inn leng chuah rih lo ding si lai mu. Credit: Salai Lungthlitum.

Don't Overstay in Hakha – My Oh Myanmar !

Relchih:Caan zei mawzat rian dangdang ruang ah tulio thil cang ka van bih kho lo, ka van i langh lo caan asau ngai. Kawlram cu ralkap pa he dirh mi mytel company ngeih mi operator wifi lawng in internet onkhawh asi. Mytel wifi ka lak kho ve lo, lak zong ah ralkap pa caah ngunkhuai luhnak asi caah ka duh fawn lo, ramri ka va phanh caan ah india sim Airtel in ka van bih pah hi hi ca hi ka van post.

Khua ka ruah lengmang mi cu mipi nih rian kan tuan piak tiah vote pek mi MP pawl nih vote petu an mipi pawl hman theih lonak hmun le ram/ ramri leng tiang azam mi MP hna kong ka ruah ah ka celh bak lo.Mipi an zam hmanh ah an nih cu ahnu bik ah aherh si ahcun azam te ding in ka ruah hna nain an mipi hlan ah hngalh lonak ram ah an i thup.

An i thup cu palh tuk asi lo, ralkap nih tlaih khawh lonak hmun le ram India tiang an phak bu zongah vote petu mipi hna hi an i dornak hmun in thazaang zong an van pek hna lo mi hrim hi mipi vote zeirel lo, mipi caah lamkaltu thinlung taktak ngei lomi an sinak ka hmuh tik ah ngaih achia.Thutden sang aa cuh lomi hna tu nih mipi caah heh tiah ral lak ah ralkap kan doh, inn lak ah hlawhfa chom in aa cawm mi tu nih ram caah ralkap doh in lam kan zawh, sifak mi ko hi ram caah athawh zaang mi le aral tha deuh mi kan si nain acovo atlawm bik le harnak tong bik zong sifak mi hi kan si.Azei si zong ah mipi nih ralkap kan tei tik ah thil thar achuak te ko lai tiah ka zumh ko.Credit:Lairam Laipa

Be the first to comment

Leave a Reply

Your email address will not be published.


*