KALAY LAM ZAWHTU NIH RALHRANG LE PALEK AN THLAH VE CANG HNA

Kalay ah Lamzawhtu Tlaihmi le Ralkap Tlaihmi Minung Thlennak an Tuah.April 3 ah Kalaymyo lamzawhtu hna le Myanmar ralhrang ralkap karlak ah tlaihmi minung thlennak an tuah, tiah thawng kan theih.Mipi lei ttuanvo ngeitu pakhat nih, “Ralkap nih tlaihmi minung kan i thleng hna lai tiah a kan hal zungzal. Zinglei ah minung 2 an rak thlah.

Cun, zaanlei ah minung 6 an thlah tthan hna. Nizan zong ah khan minung pakhat an thlah,” tiah a chim.Ralkap lei nih an tlaihmi minung 9 an thlah hna caah mipi lei zong nih minung 6 nihin ah an thlahpiak ve hna. Mipi nih an rak tlaihmi hna hi traffic police minung 5, palik 1 le Dalan 1 an si i, cu chung ah cun minung 6 nihin ah an thlah ve hna hi a si.

May be an image of 6 people and indoor

Relchih:Lung afak hringhran ko:Natchaung ah Kum 13 Ngakchiapa Myanmar Ralhrang Ralkap nih an Kah. April 2 ah Gangaw-Kalay karlak Natchaung khua ah Myanmar ralhrang ralkap nih kum 13 lawng a si rihmi ngakchiapa Mg Ngyi Naing Phyo cu a paw ah meithal in an kah caah a nunnak a liam, tiah thawng kan theih.Natchaung khua mino pakhat nih, “Ralkap nih a ruak a kan chuh sual lai timi kan phan caah an kah ni ah a ruak kan vui colh,” tiah a chim.

Ralkap nih Natchaung khuachung ah meithal kah thlorh in an kah caah ngakchiapa hi thinpang thlalau in a zaam i cu lio ah cun meithal kuan nih a khen hi a si. April 2, Natchaung khua ah kum 22 a simi tlangval Aung Naing Htwe zong ralkap meithal kahnak in a nunnak a liam ve.Natchaung cu Laimi tampi khuasaknak Chaungkhuah le Hakhalay khua he aa pehmi khua a si. The Chin Journal

Be the first to comment

Leave a Reply

Your email address will not be published.


*