KALAY AH RALHRANG NIH TUKSUM TAKTAK THIL AN TUAH CANG

Ralhrang kawlralkap an luantuk cang, Pathian chaw a simi tangka a simi cheuhra cheukhat zong an fi cang. Kalaymyo tahan ah ralhrang kawlralkap hna nih cheuhra cheukhat telh chih in tangka ting 20 hrawnghrang an firpiak hna. Nizan ah hi thil hi a cang cang mi asi nain tuchun ah thanhnak an tuah mi a si. Nizan April ni 7 ah khan Ralhrang kawlralkap hna nih,

Inn an baoh i, thilri zeimawzat an fir pin ah tangka zong ting hleinga an fir rih. Culawng siloin Pathian chaw a simi cheuhra cheukhat kuangah an chiahmi zong an fir tthan rih. Tangka an firmi hi kawlram in ting kul hrawnghrang a si tiah an chim. Hi ralhrang nih an inn an bauh in tangka an firnak ah hin minung tu cu an him hna tiah an chim.

Facebook takes down main page of Myanmar military, SE Asia News & Top  Stories - The Straits Times

Relchih:Ka lungfak, ka khuasiksem tiang a chuak, Kawl Nungak note le Pitar nih nizaan ah mithli he an sining an ka chim ko cu! Nizaan ah Kawl Nungak nute, Ralkap kut in a zam mi he bia kan i ruah, Ngaihchiatnak le lungfahnak, lungre theihnak nih an nun a khuh tuk lio a si caah tampi biahal ka duh lo. A si nain “AKo (Ka U) thil pakhat te cu kan chimh duh ko, Ralkap nih Nu cung ah an thiltuah hi tuksapur a si” tiah a bia a thok. A biacu tha tein ka ngeih, ka mithlam in ka cuanh chih tikah ka thling a kik, ka khuasiksem a chuak.

Ralkap nih Nu an tlaih khawh mi hna cu tha loin an tlaihhrem hna (Biadawh lo a si ko nain mipi nih theih a herh mi a si ve caah fiang ko in ka langh ter), cun an Taklawng in an chiah hna, an kut le an ke hri in an tthem hna i Hall chung (an hren hna nak innpi chung) ahcun an chiah hna.Ralkap nih tlaih mi nu a tam deuh cu him tein an chuak hrim lo e” tiah a ti. A chim pah in a mithli a luang ve. Kum 18 hrawng lawng a si rih, University a kai lio mi a si, mirang holh zong a chim kho ngai.

Ralkap nih mi an thah mi hna, an ruak ka hmuh ahcun ka thaw a pit ko, an takpum, an paw an khuai hna ning hi minung thiltuah cu a si lo e a ti. A bik in Nu pawl tlaih a tong mi hna a tam deuh an tuar nak a chim tikah minung fa nih celh awk tha lo a si. Yangon in an rak zam, hringtu a nu ( a upa ngai cang i thinlung lei dam lonak a ngei mi asi), cun anu tta (a tar pah ngai ve cang), a ttapa tiah an rak zaam. A ttapa zong Engineering a kai mi, final years a si nain Covid pulrai sianginn khar ruang ah a dih manh ve lo.

An tafar tein tutan G-z ah biatak tein kan cawlcang, Sandah piahnak ah kan um ve peng an ti. Nain report tu kan ngei ve, ralkap nih kan inn an fuh cang tikah namchan in kan zam e an ti.Yangon in Kalkutta tiang vanlawng in an rak ra, cun Delhi lei ah Tlanglawng in an rak ra. Kawlram lei in ka phone number an rak ngeih cia ve cang. Tlanglawng cung an phak in an kan chonh ve colh. Hringtu a nu cu kan i hmuh in a ttap, a ka kuh i ka fapa kan nunnak kan khamh ko, Ralkap nih kan inn an hrawh dih, kan dawr an hrawh dih, kan Bank phaisa an block dih cang e, a ti.

India Cozah nih ralzam luh ter lo ding tiah ramri lei nawl a pek mi hna a um peng rih. Cu caah hi hna chungkhar zong media sin ah langhter awk an ttha lo. Local media, International media hmai ah biachim ter awk zong an si ko nain Delhi an khuasaknak ah a him rih lo, Cozah nih a herh lo ah an kawl sual hna lai ti ka phan caah kan thuh nawh rih hna.

Kan nu (Edward nu) nih phaisa hmanchung ding a pek hna, cun CRC nih a chuah piak bang ve hna, Ei awk tlawmpal te kan pek chung hna, CRC nih a thli tein inn kan kawl piak lio hna. Delhi khrihfabu cheukhat ah bomh hal piak a hau te ding an si. Ka tial duh hnawhchan cu, Ralkap nih nu an tlaih mi hna an tuahto hna ning hi a si. Tuksapur a si ko. Note: Delhi Cozah nih an phak mi an theih a him tuk rih lo caah kan thuh nawh rih hna ka timi zawn te hi ka ruah chih piak te uh. Media sin ah an langhter ding cu ka siarem deuh rih lo caah a si. Credit: Salai Cung Dawt.

Be the first to comment

Leave a Reply

Your email address will not be published.


*