KACHIN RALZAM PAWL LUHNAK NAWL AN PE HNA LO

Kawl ralkap le Kachin Independence Army-KIA karlak raltuk nak ruang ah Myit-Sone le Tanfare khua lei ah a rak zam mi ralzam pawl cu an rak um balnak hmun ṭhing Pa-La-Na ralzam dornak hmun ah an luh ter hna lo tiah theih asi. Northern Division Military Headquarters i lubik asi mi nih hi bantuk thil hi a tuah mi asi.

Atu cu Tanfare kua RC biakinn hmun chung ah dornak hmun khuar tu ralzam pawl hi kha hlan ah cun Myitkyina-Pa-La-Na ram chung um Trinity le Saint Joseph ralzam dornak hmun ah a rak um mi an si i lo rianṭuan ding caah tiah an hmun ṭhing ah a va tlung ta mi an si. Ralzam pawl cu Tarfare khua um Kawl ralkap Gate nih lam on piak lo ding in Ralbawi lubik pa nih nawl a chuah tiah khua mi RC Father Sut Awng sin in theih asi.

No description available.

Hi ralzam pawl rak lut ṭhan kho lo in kham ding in an ralbawi lubik nih nawl a chuah ee tiah hika lei ṭuanvo ngeitu Kawl ralbawi Major pakhat nih thawng a rak ka thanh. Cu caah ralzam pawl cu hika hmun ah um ter ding in an ti tiah a chim. Lo rianṭuan ding in an khua ṭhing ah an va kal ta mi asi. Ral a tho caah an rak tli ṭhan mi asi i atu bantuk in ralzam dornak hmun ah lut kho lo in kham le donh an tong” tiah a chim chap.

Kachin - Burma Link

Myit-Sone tidil sak ding hmun asi ruang ah cuka hmun cu kha hlan cozah chan poh poh nih Section 144 nawl chuah mi hmun asi. Cu leng ah ti le mei zong harsa ngai mi hmun asi caah minung za leng asi mi kha hlan Inhayan ralzam pawl cu a hmasa bik an rak dornak hmun ah um ter ṭhan ding in kan i zuam lai tiah a chim chap. Myitkyina khua he miles 30 hrawng aa hlat nak Gui-Htawng khua ah Kawl ralkap le KIA cu March 15 ah an i kap caah pawng kam um khua mi pawl cu Myitkyina lei ah an rak zam hi asi. A zaam mi 100 leng cu um nak ṭhi ṭha ngei lo in Tarfare RC biakinn ah an i dor chung tiah thei asi. Ref: Kachin News Group.( CCNC)

Be the first to comment

Leave a Reply

Your email address will not be published.


*