Kachin Independent Army (KIA) Nih Min Aung Hlaing Sin In A Zaammi A Ralkap Pawl An Tlaih Thluahmah Hna.

Kachin ramkulh Daw Hpum Yang myone chungah ummi Kachin Independent Army (KIA) hna an sakhan
pakhat simi Alaw Bum sakhan a rak kah tu Min Aung Hlaing ralkap pawl ttat-zin pakhat a ning pi bak in KIA nih an ting hnu ah Min Aung Hlaing ralkap 30 leng hna cu KIA sin ah an rak zaam thluahmah cang.
Mah ti a rak zaammi Min Aung Hlaing ralkap pawl cu KIA ttat-ma-ha 5 nih an rak kham hna i an nun bu tein an tlaih thluahmah hna i cheukhat cu an kawl cuahmah hna.

Nearly 2,000 Flee Rakhine Villages in Fear of Myanmar Army 'Clearance  Operations' — Radio Free Asia

Min Aung Hlaing sin ah KIA lei ah zaam duhmi nan um ah cun KIA lei nih ttha tein kan in don hna tiah thawng an rak thanh lio ah khan an rak i zaam ter duh hna lo i tu an hung zam tik ah tlaih cu an hau ve ko. “Tu lio hi ni 4 chung tluk bak kan i kah hnu ah Min Aung Hlaing ralkap pawl cu hnu lei ah an sip tthan, NuanLan le Myothit lei ah an kir hna, mah ti hnu lei sipmi hna chung in ralkap 30 tluk hna cu an rak ratnak in an kir ti lo i kan mah umnak lei kap ah an vun zaam hna” tiah KIO center lei in ralbawi Naw Bu nih a chim.

Tuluk ramri Mung Seng Yang lei ah ralkap thuam si loin mi sawsawh thuam te he a zaammi pakhat zong kan tlaih chih, kan mah nih tlai kho hlah usi law mi sawsawh thuam te he Tuluk ram lei ah a lut ko hnga” tiah KIO center lei in ralbawi Naw Bu nih cun a chim chap.

Alaw Bum sakhan hi a luan ciami March ni 25 ah khan KIA nih an rak laakmi si i Min Aung Hlaing ralkap pawl nih laak tthan an duh tuk ruangah a luan ciami February ni 11 khan ral tuknak vanlawng le bom kahnak hna tiang hmang in ralkap phu 2 bak nih an kah hna nain ralkap phu khat cu KIA nih an tthio dih hna

Be the first to comment

Leave a Reply

Your email address will not be published.


*