KA KAWI NIH A KA KUATMI KEIMAH LAWNG REL CU TIAH KA RAK THLAH CHIH

Kakawi nih ca a ka kuatmi keimah lawngnih rel cu tiah ka rak thlahchin.Halkha Sipiin nih zalangh in khuate vangnau thleidannak puan an zaar. Phungphai cu rel cawk loin ser khawh a si nain hmannak zawn theih a biapi. Aithing hlohlak piak kan tonmi hi, a muru tak cu Sifak satlailo khuafe vangnau in a rami kan si caah zei cu dah an cawlttan khawh la tiah midang hmai ah an Nawlngeihnak hmuhsak pah in an rak tawngh cikcek biatu a si.

Mi si kho deuh cu si usih law, zeizei a um hraw laloh. Sipin nih nawlbuarmi mipi cungah dantat nak nawl le Thilri chuhnak nawl an ngei. Nain, rial piak nak nawl an ngei loh. Sinpin cu mipi nih biacuhnak (ta-za-cuai) khawh lo dingin Phunghram an ngeih zong cu kan theih ko. Halkha JCB a fumran (speed) cu Suimilam 1 chung ah inn ceilak a hrawh khawh ti a rak si.

Tutan ah Aithing rial kho lakin a thazaang an von zolangh hoi. Lam le innhmun cawhnak caah ram dangah bawmh rak hal i Dawtnak in ngahmi JCB kha midang mitthli tlak tertu ah hman a si ko ne hi teh. voi 3 khengtu nawlnak tuahmi hnon piak nih a langh termi cu Mirum le Sifaak thleidan nak ruangah a si. Siangrun kan kai lio ah mihawi nih tuah sualmi kong kha Saya/mah te sin ah leirawi(report) a tthawng tukmi cu, mi pipa ah an i chuahcanh loh.

Chinram kan uktu cheukhat sin ah Dawtnak nih hmunhma a co ti lo zia hmuh khawh a si. Sipiin nih Aithing nakin a biapi deuhmi Mipi kan thinlung fawh nan rialdiit hih ,mah tihin a dailan la tiah ma ruat lai uci ee ! Khuazing hna nan tla lalo hih, nan hngal maw ? Laknak: David Ceubawi Tp fb

Hihi ruahphu angaimi cabia asi:Hakha Pyidawta market kiang ah tangka ting 1000 ka chiah. Sipin pawl nih hmu hna sehlaw hmunthur rialnak seh in an rial hnga maw? Aithing le tangka hi ai khatmi a si. Aithing zong pawcawmnak, tangka zong pawcawmnak. Minung nih kan din eimi a si. Puanchia, thilchia le thing le lung a si loh.

Upadi hi theih sawh lawng theih, suai sawh lawng suai i zeibantuk dah upadi a si ti hmanh ai fiang lomi Hakha sipin pawl hi an rian phuah tlak an si.Din ei ding ah chiah mi thilri cu a chiahnak a dik lo ahcun hlonh phung a si lo. Fim phung a si. A hodah Aithing kha seh in rial uh tiah nawl a chuah tu cu a si. A fa le caah thluachuah a pit lai ti tal kha a thei hnga lo maw? Cu tluk cun maw Hakha sipin ahhin mihrut an rak um ko rih. Credit: Sui Tha Iang

Be the first to comment

Leave a Reply

Your email address will not be published.


*