VUANCI HLUN ISAAC KHEN TANGAH VAI DORNAK CUN NOTHANKAP TAPEH SI KA DUH DEUH

Lai pasalttha Salai Lung Thli Tum cabia cu apin lawlaw ko cang. Fiang pup in Isaac Khen sining a vun tthuat ko cang, Theihcio bangin Chinram hruaitu pakhatkhat nehnang an hnu zulh ahaumi timi zapi nih theih mi an phuan ngam lomi vialte hna cu Salai Lung Thli Tum nih ralttha tein a tthuat lengmang hna i, aphozar lengmang hna. Tutan zongah Isaac Khen avun tthuat.

Salai Lung Thli Tum nih tutan ah a chimmi cu NLD ah khin luh ka duh ngai ve tawn ko, nain eihmuar ruang ah an thawlmi vuanci hlun Isaac Khen a tang vai dor i a chimmi poah ‘hoh-keh saya’ va ti piak ding khi ka ruat kho bak lo. Amah kut tang va um nak cha cun Nothankap tapeh tuan hmanh ka duh deuh lai tiah Salai Lung Thli Tum nih attial.

Politician pawl cu hlen an thiam, an chim bang an tuah bal lo’ timi hi ka theih tawnmi cu a si. Nain, tutan election ah cun polician nakin khuate cheukhat velhle an thiam deuh timi fiang ngai in ka hmuh khawh. Mee khat hmanh a zut lai lo, nangmah 100% kan in pek lai an kan tinak khuate tampi ah mee 8-9 lawng hna ka ngah, zero ka ngahnak zong a um.

Sayama Nisuilian an huat ngai i mee pakhat hmanh kan pek lai lo an tinak khuate ah Sayama NSL nih mee 95% hna a ngah than. Atu ka ruat than i khuate cheukhat cu velhle a thiam takmi nungak he ka lawhter hna, i ralrin lo ahcun keimah bantuk in i chuahsual a fawi ngai. Kei zong kha teinak ngah lawng si loin a tlawm bik mee 7,000 tal cu ka ngah hrimhrim lai tiah kai ruahmi a si cu.

Nun thap in Chinram caah ramrian ka tuan lai ai timi nih cun Chinram ah khuasak hrimhrim a herh, Yangon hrawnghrang ah NGO bawmhnak bawh pah in khuasak i thimnak lai thla 3 aa duh ah parttime in thimnak vun luh khi sullam um bak lo(keimah telh in). Chin ramri kan kilveng lai tiah aukhuan len tung i mah pumpak kha Kawlrawn ah nuam ngai in khuasak than zong khi sullam um hoi lo,

Ningzah awk deuh khi a si. Chin party ai timi zong nih Chinram ah hram an bunh awk a si, Chin party ti tung i Chinram ah zungchoh chiah lo cu sullam um bak lo. Yangon hram bunhmi party cu Kawl party tiah auh a hau ve lai. Credit: Salai Lung Thli Tum

Be the first to comment

Leave a Reply

Your email address will not be published.


*