HIHI ZOH CIO TUAH UH PHUNHNIH IN UM DAWH ASI KO

Ram Le Miphun Dawt Ti Hi Phunhnih In Umdawh A Si Ko.Chin/Laimi Lungput phunhnih: 1. Duh mi minung asi poh ahcun thutdenh a kawlmi asi zongah Miphun dawtu ah chiah i dirhmun hman lo zong dirhmun hman ah ruahpiak chih riangmang in a thutdenh kong cu zei hngal lo bantukin ignore tuah diam.

Pahnihnak. Duh lomi minung cu ram le miphun dawtnak he ka sining dihlak chuahin kai pe ve lai a ti mi zong duh lo cang ahcun thutdenh duh le hrawkhrol MP- Miphun dawtu ah ruah. Chinmi nihcun Politician hna kong van chim ahcun kan uar i upat ngai cio men hna lai nain USA ram ahcun Politician hna kong van ceihhmai ahcun thutdenh caah ai cuhmi lihhmang le tangka ei hmang an si tibak in an i nunpining a rak thuktuk cg.

Miphun le ram dawtu cu an um ko lai nain thutdenh men ai cuh mi hi an rak tam deuh peng caah asi ko lai dah.Rampi caah khuakhangtu le hruaitu pei an si cu ti zongah an pom kho bak lo. Mipi kan caah riantuantu men an si ti si ko. A hman ko. Nain cu longcun kai lungsak kho bak lo. Zeitluk hmanhin convince khawh zong an rak si lo i an i nunpining a rak thuktuk cang. An experiences nih hi a kum tamtuk te a rak cawnpiak hna mi tu a rak si.

Kan nih Kawlram zong hi 2010-15 hrawng tein free takin thimnak cu tuah khawh a van si ve cang. A tu hmanhah tlin lo ahcun mah duh poh in chuah le luh than khawh asi zia a van langpah cang. Party pakhat nih a dingfil tak mi principle tlaihtleng taktak ai tlaih rih lo tinak asi. Ram cu kan daw an ti cio. Ram le miphun dawt ti hi phunhnih in umdawh asi hrimhrim ko. 2020 thimnak nih a van fianter ngai. Mah bantuk in miphun dawtu tiah ai ti mi hi cu kei cu khua a ka ruatter ngai. By. Al Bik Lian Zathang

Relchih ahmantuk mi ruahnak bak asi.MP ai cuh dingmi pakhat nih cun mah tein a strategy ngeih ding bak asi mi copy ding asi lo.Nai hrawng independent in MP cuh a timi Salai Dokhar a cawlcangnak tete kan hmuh. Ralttha ngai in Indiependant in cuh a tim caah ka upat ngai. Tha zong ka pek ngai fawn. Nain acawlcangnak tete zoh ah midang strategies pawl copy a tuah ngai ti ka hmuh.

A bik in Salai Van Bawi Lian a strategy tampi copy a tuah. A ttha mi nawl cawng cu a poi lem lo nain, zoh a dawh lonak tete a tam caah ka tialmi asi. Pumpak huatnak a tel hrim lo.1. Salai Dokhar nih independent in i cuh dingah thawng theihternak a tuah hlanah Salai Van Bawi Lian cu media tampi nih interview an rak tuah cang. Cu i Van Bawi Lian nih a chim bikmi cu “MP ka tling ah cun kumkhat chungah MP ka cuhnak khuakip ka phan lai i mipi aw ka ngai lai ati. Dokhar nih Van Bawi Lian a chim ning tein copy a tuah i a chim ve.

Pahnihnak. Van Bawi Lian nih “teinak ka hmuh in mipi he neihniam tein i chawnh khawhnak dingah zung khan a dang tein ka ngei lai” ati. Cucu Dokhar nih a thawh ve i mipi he tawnnak caah khuakip ah zung ka ngai lai a hei ti ve. A ttha ngai nain idea dang a ngei hnga lo maw ti ka ruat. 3. Van Bawi Lian nih pengtlang mino pawl he tawn bia ruahnak a tuah. Pengtlang mino pawl nih an sawm. Dokhar nih a thawh ve i pengtlang mino he tawn biaruah a sawm hna. Zanak tlang tbk mino pawl rak ka sawm u tiah a nawl hna. A ttha tthiam tthaim nain a copy a lang tuk caah zoh a dawh lo.

A dang tampi a um rih nain chim tlak lo pawl an si caah ka chim ti lai lo. Nain Miphun le Ram ai ka awh cang lai tiin MP cuh ai timhmi minung pakhat nih cun Miphun le Ram caah pumpak strategy ttha tein ngeih a herh ko. A bik in Party minung lawng an silo, Independent minung hrimhrim nih cun strategy ngeih hi a herh bak mi a si.

MP hi khuate lei tlangrian tuan i thawk phungin zei hman strategy ngeih lem loin mipi hmaiah vun chuah sawhsawh men hi cu thil tlam a tling deuh rua lo. Cun, minung pakhat nih thil a tuah mi nawlcawn tuk phungphai in thil tuah peng ve zong hi MP a cuh tu ca zongah limhang a um lo ngai in ka ruah.

Cun Salai Dokhar nih Salai Van Bawi Lian debate tuah pi dingah cohlannak a tuah. Hi kongah mi cheukhat nih comments nak ah “ziah debate cu an ngam lo maw” tbk a chim mi hna zong an um len. Salai Van Bawi Lian cu CNLD party aiawh in MP ai cuh ding minung a si. CNLD party caah independent pawl hi an ral asi lo.

CNLD cu miphun aiawh an timh caah Chin miphun he a ralmi USDP le NLD pawl kha a bik in tei an duhmi cu asi. Cu caah Independent pawl he debate an tuah lai lo. Debate tlak ding zong in an ruat lem lai lo in ka zumh.A ruang cu CNLD party i a ral cu Dokhar asi lo. Kawl party USDP le NLD an si ti kan ni fiang hau.

Cun Salai Van Bawi Lian nih debate ding a sawmmi hna hi fiangte in a lanhter. USDP le NLD candidates pawl an si. Salai Dokhar zongnih a fiang ding asi. Salai Dokhar nih a mah min larnak men men ah Van Bawi Lian kha debate ding kan cohlang a ti asi in ka ruah. (Catialtu pumpak hmuhnak le ruahnak longte asi. Zei party member hmanh ka si lo.). Credit: Salai Bawi Hlei Hu