HELL RAM AH MINUNG AUNG HLAING SUNGTHOH MINUNG 17 AN KUAT HNA

Thawngttha, Min Aung Hlaing sin ah thawngpang a pe lengmang mi Dalan minung 17 hna cu Thunder Storms Without Borders tangah a ummi King Cobra-Khin U nih an thah hna. Hi konghe pehtlaiin anmah nih thanhnak an tuahmi cu Thunder Storms Without Borders tangah a ummi dalan an ci ahmittu bu 7 chungah pakhat a simi King Cobra Khin U nih,

Nizan August ni 7 le ni 8 ah ralhrang kawlralkap hna nih an thimmi dalan sang uktu bawi le dalan khuabawi siseh, Pyu Saw Htee hna, an dihlak in minung 17 hna cu an umnak ding a simi ah kan kuat cang hna, kan thah cang tiah thanhnak an tuah. Kannih King Cobra cu dalan dottlettu kan si. PDF konghe an dirhmun sining cu a tanglei bantukin an langhter.

Kannih cu PDF he kan duhning le kalum tuning aa khah dih lo caah adang in kan um, hmun khat ah rian kan ttuantti lo. Pehtlaihnak zong kan ngei lo, Kannih kan cawlcanghnak pawl Thunder Storms Wihthout Borders le King Cobra Khin U hmangin mipi sin ah thawngpang theihternak kan tuah peng lai tiah a chim.

Thawngpang dang: Me Cazin Palhnak Kong Ramdang Palai Hna Hmaiah Kan Hrilhfiah Lai 2020 Kawlram thimnak ah me palhnak konghe pehtlaih in ramdang palai hna kan auh hna lai i, an hmai ah kan chimfian lai tiah ralhrangbu hruaitu Bochokhmukyi Min Aung Hlaing nih August 7 Naypyitaw SAC zungah tuahmi SAC meeting a chim.Rampi thimnak cu president thim dingin aiawhtu thimnak a si i, president nih cozah a ser lai i, biaceih bawi hna a khinh ding a si.

Uknak, biaceihnak le upadi sernak vialte a tawlrel tu ding an si caah me dik lo in thim mi cozah cu dinnak zong a um lo. Me cazin dik lo mi kan hmuh mi cungah chimfianh dingin kan ti zongah an tuah hlei lo. Me a dik lo mi kong he pehtlaih in ramdang palai hna kan auh hna lai i, tette he kan chimfian lai tiah ralhrangbu hruaitu nih a chim.

Ralhrangbu nih kan hnu cozah lutlai hna hremnak kan pek mi hna hi ramkhel kong a si lo, phung an buar ruangah kan hremmi hna a si. Ralhrangbu nih me cazin diklo kan theih hnu December le January thla ah chawnhbiaknak he kan tawlrel nain an duh lo hnuah ram ralchanhnak zong an tuah rih tiah Bochokhmukyi Min Aung Hlaing nih a chim. TCP

Be the first to comment

Leave a Reply

Your email address will not be published.


*