HAKHA SIPIN ZONG NIH RAK REL UH, MIKIP CAAH A HMANTUK HRINGHRAN

HRBA mit in cuanh ahcun Duty-holders (all State organs including cozah, palik le sipin tbk) an rian cu minung covo upat hmaizah piak(respect), minung covo humhhak kilvenpiak (protect) le minung covo tlamtlinh piak (fulfill) khi asi. Right-holders (minung dihlak including aithing zuartu) hna rian cu covohman (exercise rights), covo hal le nawlngeitu hna mawh lakter (formulateclaims and hold duty-bearers accountable) le sunghzatlak an tonmi hlamtthan (seek redress) kha an rian si ve.

Hi phu hnih Duty-holders le Right-holders hna ningcang tein an rian an tlamtlinh veve nak hnga biapi bik cu Capacity Development asi. Cu zawn ah chanbaunak a um deuh ti hi tutan a hun lang in ka thei. Lairam ah Duty-holders hna kutin Right-holders pawl mitthlitlak tiangin harsat namneet fahnak an tuarmi tete hi a langin kan hun theih pah theo i lung a ttha lo ngai. Hi bantuk thil a um tikah hmai ah chuakin a dirpitu (voice of the voiceless) le auhkanhtu Rights Groups an um hnga lo maw?

Cozah mithmai zohin au a herh zonah an au ngam deuh lo hna asi sual maw? ti hi ruahawk a um tawn. Rights Groups pawl hna an rian le an tuanvo an tlolh lo hi a biapi ngaingai in a lang tawn. Cun Aithing Cingtu Association tbk le Tolreba Cingtu Association tbk. tete pengkulh le ramkulh huap zongin an dir cio hi a herh ngai i, an chungtel nih mah bantuk thil harnak an ton caanah an association minin an idirkamh le an ihumhak ahcun an collective voice a ngan deuh ngai ding khi asi.

Cu bantuk association tete tampi a dir cio dingin hmalakpi hi a herh ngaiin a hun lang. Cun anmah he dairek pehtlaihnak a um lo nain kan ram le kan vawlei ah minung pumpak an si-ah phu le buu zeimaw an si-ah diklo ngaiin covo chuhpiak maw buarpiak hna an ton caanah zoh salam loin a herh ningin a dirpitu hna le a auhkanhtu hna (moral obligations or moral duties latu) khi an um tawn.

Cucu Moral Duty Bearers ti an si i, zatlangbuu civil society buu le religious buu hna an si duh ngai tawn. Cu bantuk Moral Duty Bearers zong hi Laitlang ah a bau deuh ngai rih in a hun lang. Cun Opposition Parties hna an rian cu covo buarpiak a tongmi hna dirkamh le aukanh colh lengmang hi asi tawn. Hluttaw chung le cozah innchung tiangah lutin hma an lak ding hi a tam ngaingai.

Nain, Opposition Parties hi Laitlang ah an aw a der deuh in a lang tawn i cozah khalhtu opposition parties an sinak hi a tthawn a herh ngaingai. Khuathlang leiah a cak ngaimi ZPM party nihcun Hand-holding Policy an ngei i, aithing a zuar kho lomi le zuarnak market a ngei lomi poah cu kan nih cozah kan tlaih ahcun kan cozah hrim nih aithing kg khat ah Rs. 50 in kan in cawk dih hna lai, aithing hi cing cio uh timi policy an aupi.

Phundang cun aithing in an ram economy cawi an itim i cin cio dingin thazaang an pek ngaingai. Cu bantuk lioah Laitlang ah lothlomi hna nih aithing an cinmi um chunte cozah nih cawkpiak le a zuarnak hmun tuaktanpiak lei hmanh siloin an chuh hna hi JCB in an rialpiak dih hna timi thawngpang hun theih cu lungthin a nuam lo ngaingai. Salai Van Lian Thang

Be the first to comment

Leave a Reply

Your email address will not be published.


*